कांग्रेस वडा अधिवेशनः नेपालगञ्जमा कहाँ कहाँ चुनाव भइरहेको छ ?

राजनीति

गृहपृष्ठ
राजनीति
कांग्रेस वडा अधिवेशनः नेपालगञ्जमा कहाँ कहाँ चुनाव भइरहेको छ ?

कांग्रेस वडा अधिवेशनः नेपालगञ्जमा कहाँ कहाँ चुनाव भइरहेको छ ?

आइतबार, कात्तिक २८, २०७८ बागेश्वरी पोस्ट

नेपालगञ्ज । नेपाली कांग्रेसको १४औं महाधिवेशन अन्तर्गत् हिजोदेखि बाँकेमा शुरु भएको वडा अधिवेशनमा धेरैजसो वडामा वडा कार्यसमिति र क्षेत्रीय प्रतिनिधि निर्विरोध निर्वाचित भएका छन् । सबैभन्दा बढी वडा रहेको नेपालगञ्ज उपमहानगरपालिकाका अधिकांश वडामा सर्बसम्मत भएपनि केही वडामा आज मतदान भइरहेको छ । नेपालगञ्जका २३ मध्ये १९ वडामा वडा कार्यसमिति निर्विरोध भएको छ । २३ वडा मध्ये १७ वडामा क्षेत्रीय प्रतिनिधि पनि निर्विरोध भएका छन् ।

नेपालगञ्जको वडा नम्बर २, ६, ९ र १४ मा वडा सभापतिसहित केही वडा पदाधिकारी र क्षेत्रीय प्रतिनिधिमा समेत चुनाव भइरहेको छ । वडा नम्बर २ का खुलातर्फका क्षेत्रीय प्रतिनिधि पदका उम्मेदवार नरेन्द्र थापाका अनुसार वडा सभापतिमा प्रदिप श्रेष्ठ र ऋषिकेशराज उपाध्यायबीच प्रतिष्पर्धा छ । यस वडामा खुला प्रतिनिधि, मुस्लिम र मधेशी क्लष्टरमा निर्वाचन भइरहेको छ । थापाका अनुसार खुलातर्फ ६ प्रतिनिधिका लागि १२ जनाको उम्मेदवारी परेको छ । त्यस्तै मुस्लिम र मधेशीमा एक एक प्रतिनिधिका लागि दुई दुई जनाको उम्मेदवारी परेको छ ।

वडा नम्बर ९ मा वडा सभापतिका लागि चन्द्रप्रकाश तिमिल्सिना र अकबर शेषबीच प्रतिष्पर्धा छ । खुला प्रतिनिधि उम्मेदवार रमेश तिमिल्सिनाका अनुसार २ जना सचिवका लागि ४ जना र २ जना सहसचिवका लागि ३ जनाको उम्मेदवारी परेको छ । खुला प्रतिनिधि ६ जनामा १२ जना, महिलामा ३ जनाका लागि ६ जना तथा एक एक प्रतिनिधि आउने खसआर्य, मधेशी र मुस्लिम क्लष्टरमा दुई दुई जनाको उम्मेदवारी परेको छ । मतदात अधिकृत कन्हैयालाल थारुका अनुसार वडा नम्बर १४ मा भने वडा सभापतिमा मात्र सञ्जय कुर्मी र कमलाप्रसाद कुर्मीबीच प्रतिपष्र्धा छ ।

वडा सभापतिमा सबैभन्दा चर्को प्रतिष्पर्धा वडा नम्बर ६ मा छ । यहाँ ४ जना उम्मेदवार छन् । मतदान अधिकृत दिलिपकुमार शाहका अनुसार सभापतिमा जमालुद्दिन बागवान, प्रेम बहादुर बुढा क्षेत्री, मनिषराज रेग्मी र राजीव शाहको उम्मेदवारी परेको छ । त्यस्तै दुई जना उपसभापतिका लागि ५ जना, २ सचिवका लागि ४ जना र २ सहसचिवका लागि ३ जनाबीच प्रतिष्पर्धा छ । शाहका अनुसार प्रतिनिधिमा खुलातर्फा ६ जनाका लागि ११, महिला ३ का लागि ४ तथा दलित र मधेशी १ प्रतिनिधिका लागि २ जनाबीच प्रतिष्पर्धा छ ।

वडा नम्बर १ र १३ मा भने अरु सबै निर्विरोध भएपनि खुला प्रतिनिधिका लागि निर्वाचन भइरहेको छ । ६ जना प्रतिनिधिका लागि वडा नम्बर १ मा ९ जना र वडा नम्बर १३ मा १० जनाबीच चुनाव भइरहेको छ ।

प्रकाशित मिति: आइतबार, कात्तिक २८, २०७८ ११:३१

प्रतिक्रिया दिनुहोस्