बाँकेको बानियाभारमा चक्काजाम, आवागमन ठप्प

समाचार

गृहपृष्ठ
समाचार
बाँकेको बानियाभारमा चक्काजाम, आवागमन ठप्प

बाँकेको बानियाभारमा चक्काजाम, आवागमन ठप्प

आइतबार, कात्तिक २८, २०७८ बागेश्वरी पोस्ट

नेपालगन्ज । मोटरसाइकलको ठक्करबाट एकजनाको मृत्यु भएपछि बाँकेको बानियाभारमा चक्काजाम गरिएको छ ।

बैजनाथ गाउँपालिका ४ बानियाभारमा शुक्रवार राती पौने ९ बजे सुर्खेतदेखि कोहलपुरतर्फ आउँदै गरेको भे ८ प ५११० नम्बरको मोटरसाइकलले सोही स्थानका दिप बहादुर वलीलाई ठक्कर दिएको थियो । ठक्करबाट गम्भीर घाइते भएका वलीको उपचारका क्रममा शनिबार दिउँसो ४ बजे नेपालगन्ज मेडिकल कलेज कोहलपुरमा मृत्यु भएको जिल्ला ट्राफिक प्रहरी बाँकेले जानकारी दिएको छ ।

वलीलाई ठक्कर दिने मोटरसाइकल फेला परेपनि चालक फरार रहेकाले तत्काल चालकलाई उपस्थित गराउन माग गर्दै त्यहाँ स्थानीयहरुले आज बिहान ८ बजेदेखि राजमार्गमा चक्काजाम गरेका छन् । चक्काजामबाट आवागमन ठप्प भएको छ ।

चक्काजामका कारण कोहलपुरदेखि उत्तर जाने र उत्तरतर्फबाट आउने सवारीसाधन अलपत्रमा परेका छन् । प्रहरीले चक्काजाम खुलाउने प्रयास गरेपनि सफल हुन सकेको छैन ।

No description available.