रोल्पामा जीप दुर्घटना हुँदा ४ जनाको मृत्यु

समाचार

गृहपृष्ठ
समाचार
रोल्पामा जीप दुर्घटना हुँदा ४ जनाको मृत्यु

रोल्पामा जीप दुर्घटना हुँदा ४ जनाको मृत्यु

आइतबार, कात्तिक २८, २०७८ बागेश्वरी पोस्ट

फोटोः स्थानीय पत्रकार बुद्धिमान वलीको फेसबुक वालबाट

नेपालगञ्ज । रोल्पामा आज जीप दुर्घटना हुँदा मृत्यु हुनेको संख्या ४ पुगेको छ । दुर्घटनामा अन्य २ जना घाइते भएका छन् ।

माडी गाउँपालिका ६ हान्डिङबाट घर्तीगाउँ जाँदै गरेको रा १ ज ३८२ नम्बरको जीप घर्तीगाउँ बजार नजिकै शहिदमार्गमा दुर्घटना हुँदा ४ जनाको मृत्यु भएको रोल्पाका प्रहरी प्रमुख प्रहरी नायब उपरीक्षक नरेशराज सुवेदीले जानकारी दिए ।

मृत्यु हुनेमा माडी–६ हान्डिङका ५१ वर्षीय चालक रुद्र पुन, ५३ वर्षीय टेकबहादुर पुन, ४७ वर्षीया चौसरा विक र १८ वर्षीय लीला पुन छन् । लिलाको उपचारका क्रममा रोल्पा अस्पताल रेउघा लैजाँदै गर्दा मृत्यु भएको हो । अन्य ३ जनाको घटनास्थलमै मृत्यु भएको थियो ।

प्रकाशित मिति: आइतबार, कात्तिक २८, २०७८ १५:०९

प्रतिक्रिया दिनुहोस्