काँग्रेस वडा अधिवेशनःबाँके क्षेत्र १ मा संस्थापन इतरले गर्यो २ तिहाई वडा कव्जा

राजनीति

गृहपृष्ठ
राजनीति
काँग्रेस वडा अधिवेशनःबाँके क्षेत्र १ मा संस्थापन इतरले गर्यो २ तिहाई वडा कव्जा

काँग्रेस वडा अधिवेशनःबाँके क्षेत्र १ मा संस्थापन इतरले गर्यो २ तिहाई वडा कव्जा

सोमबार, कात्तिक २९, २०७८ बागेश्वरी पोस्ट

नेपालगन्ज । नेपाली काँग्रेसको १४ औं महाधिवेशन अन्तर्गत् बाँकेको क्षेत्र नम्वर एकमा संस्थापन इतर समूहले झन्डै दुई तिहाई वडा कव्जा गरेको छ ।

क्षेत्र नम्वर एकमा पर्ने ३० वटा वडामध्ये संस्थापन इतर समूहले १९ वडामा सभापति जितेको युवा नेता पोषण केसीले जानकारी दिनुभयो । यस्तै संस्थापन समूहले भने ९ वटा वडामा मात्रै सभापति जित हासिल गरेको छ । कोहलपुर नगरपालिका, राप्तीसोनारी गाउँपालिका र नरैनापुर गाउँपालिकालाई समेटेको क्षेत्र नम्वर एकमा कोहलपुर वडा नम्वर ७ र राप्तीसोनारीको वडा नम्वर ४ का सभापति भने दुवै समूहतर्फ खुलेका छैनन् ।

कोहलपुरमा वडा नम्वर ३, ४, ८, ९, १०, ११, १२, १३, १४ र १५ मा संस्थापन इतर समूहले सभापतिसहित अधिकांश क्षेत्रीय प्रतिनिधि जितेको छ । संस्थापन समूहले भने १, २, ५ र ६ मा सभापति सहित क्षेत्रीय प्रतिनिधिहरु जित हासिल गरेको छ ।

यस्तै राप्तीसोनारीमा २, ५, ८ र ९ नम्वर वडामा संस्थापन इतर समूहले कब्जा जमाउँदा १, ३, ६ र ७ मा भने संस्थापन पक्ष हावी देखिएको छ । यस्तै नरैनापुरमा १, २, ३, ४ र ५ नम्वर वडामा संस्थापन इतर समूहको वर्चश्व हुँदा वडा नम्वर ६ मा मात्रै संस्थापन समूह हावी देखिएको छ ।

प्रकाशित मिति: सोमबार, कात्तिक २९, २०७८ १२:१७

प्रतिक्रिया दिनुहोस्