निर्वाचनमा जीत हार स्वभाविक हो: डिल्ली गिरी

राजनीति

गृहपृष्ठ
राजनीति
निर्वाचनमा जीत हार स्वभाविक हो: डिल्ली गिरी

निर्वाचनमा जीत हार स्वभाविक हो: डिल्ली गिरी

सोमबार, कात्तिक २९, २०७८ बागेश्वरी पोस्ट

नेपालगन्ज । नेपाली कांग्रेसका क्षेत्रीय सचिव डिल्ली गिरीले निर्वाचनमा जीत हार स्वभाविक भएको बताएका छन् ।

बाँके क्षेत्र नम्बर १ का सचिव गिरीले क्षेत्रीय प्रतिनिधि छनौट हुन नसकेपछि बागेश्वरी पोष्टसंग कुरा गर्दै लोकतान्त्रिक प्रक्रियालाई आत्मसात गरेर आफैं प्रत्यक्ष चुनावमा सहभागी भएको मान्छे पराजय ब्यहोर्दा कत्ति पनि विचलित नभएको बताए । "पार्टीभित्रको चुनाव हो, हारजीत स्वभाविक हो, मैले पराजय व्यहोर्दा साथीहरुको मन जित्न नसकेको रहेछु भन्ने लागेको छ, तर, म विचलित भएको छैन," उनले भने-"एउटा निर्वाचन हार्दैमा पहाडै खसिहाल्दैन ।"

पार्टीका लागि दिनरात मेहनत गरेको मान्छे निर्वाचित हुन नसक्दा दु:ख लाग्नु स्वभाविक भएको बताउँदै उनले आफूलाई मतदान गर्ने सबैलाई धन्यबाद दिए । उनले आगामी दिनहरुमा नेताहरुले गरेको निर्णय मानेर अघि बढ्ने बताए । राप्तीसोनारी २ को वडा अधिवेशनमा क्षेत्रीय प्रतिनिधिका उम्मेदवार गिरीले १ सय मत प्राप्त गरे । उनी छनौट हुन ३ मतले पछि परेका हुन् ।

प्रकाशित मिति: सोमबार, कात्तिक २९, २०७८ २१:१२

प्रतिक्रिया दिनुहोस्