रेडियो पत्रकारिता तालिम सम्पन्न

समाचार

गृहपृष्ठ
समाचार
रेडियो पत्रकारिता तालिम सम्पन्न

रेडियो पत्रकारिता तालिम सम्पन्न

मंगलबार, कात्तिक ३०, २०७८ बागेश्वरी पोस्ट

नेपालगञ्ज । नेपालगञ्जमा आयोजित रेडियो पत्रकारिता तालिम आज सम्पन्न भएको छ । बालविवाह रोकथाम परियोजना अन्तर्गत् सामाजिक सचेतन सरोकार मञ्च (स्याक) नेपालको आयोजना तथा प्लान इन्टरनेशनल नेपालको सहयोगमा आयोजित दुई दिने रेडियो पत्रकारिता तालिम आज सम्पन्न भएको हो ।

कार्तिक २९ र ३० गते किशोरकिशोरीहरुका लागि आयोजित रेडियो पत्रकारिता तालिममा पत्रकारिता, सामदायिक पत्रकारिता, रेडियो पत्रकारिता, आधारभूत पत्रकारिता, आधारभूत पत्रकारिता गर्दाका चुनौतीहरु लगायतका विषयमा प्रशिक्षण दिइएको थियो । किशोरकिशोरीहरुलाई सामुदायिक रेडियो पत्रकारका रुपमा अभ्यास गराउँदै बालविवाह लगायतका परम्परागत हानीकारक संस्कारहरु विरुद्धको अभियानलाई सशक्त बनाउने उद्देश्यले तालिमको आयोजना गरिएको स्याक नेपालका बालविवाह रोकथाम परियोजना संयोजक जगदिश थापाले बताए ।

यसअघि पनि सामुदायिक रेडियो पत्रकारिताका विषयमा तालिम लिइसकेको किशोरकिशोरी समेत गरी २० जना सहभागी तालिममा पत्रकार नवीन गिरीले प्रशिक्षण दिएका थिए । सहभागीहरुलाई रेडियो रिपोर्टहरुमा समेट्न सकिने बालविवाहका सवालहरु, रिपोर्ट बनाउने तरिका र प्रस्तुतिकरणसंगै सवाल पहिचान तथा समुदायमा भएका सवालहरुलाई सृजनशील र प्रभावकारी ढंगले प्रस्तुत गर्ने बिभिन्न ढाँचाहरुका बारेमा सिकाइएको थियो । दुई दिने तालिमको व्यवस्थापन स्याक नेपालका सुपरभाइजर अर्मिला रोकाया र अक्लिम खानले गर्नुभएको थियो ।

No description available.