बाँकेमा सुरु भयो पालिका अधिवेशन, आज मनोनयन

राजनीति

गृहपृष्ठ
राजनीति
बाँकेमा सुरु भयो पालिका अधिवेशन, आज मनोनयन

बाँकेमा सुरु भयो पालिका अधिवेशन, आज मनोनयन

बुधबार, मंसिर १, २०७८ बागेश्वरी पोस्ट

नेपालगन्ज । बाँकेका आठ वटै पालिकामा आज उम्मेदवारी मनोनयन दर्ता हुँदैछ । विहान ११.२० देखि सुरु हुने मनोनयन दर्ता दिउँसो ३ बजेसम्म चल्ने सहायक निर्वाचन अधिकृत चित्र बहादुर शाहीले बताए । त्यसअघि बिहान १० बजे मतदाता नामावली प्रकाशन गर्ने कार्यतालिका छ । आज साँझ साढे ६ बजे उम्मेदवारको अन्तिम नामावली प्रकाशन गर्ने निर्वाचन समितिले जनाएको छ । भोली बिहान ९ बजेदेखि दिउँसो ४ बजेसम्म मतदान र मतदान पश्चात गणना तथा मत परिणाम घोषणा गरिने प्रमुख निर्वाचन अधिकृत वरिष्ठ अधिवक्ता भट्टराईले जानकारी दिए ।

निर्वाचन तालिका

जिल्ला सहायक निर्वाचन अधिकृत शाहीका अनुसार नेपालगन्ज उपमहानगरपालिकामा प्राध्यापक सुवास गौतम, कोहलपुर नगरपालिकामा अधिवक्ता प्रभाकर भट्टराई, राप्तीसोनारीमा अधिवक्ता प्रेमप्रसाद शर्मा, खजुरा गाउँपालिकामा शिक्षक महारुप जैशी, बैजनाथ गाउँपालिकामा अधिवक्ता गणेशप्रसाद थारु, डुडुवामा अधिवक्ता हरिप्रसाद सुवेदी, नरैनापुर गाउँपालिकामा अधिवक्ता गोपाल गिरी र जानकी गाउँपालिकामा अधिवक्ता पवन गुप्तालाई मतदान अधिकृतको जिम्मेवारी दिइएको छ ।

कहाँ को खटिए निर्वाचन गराउन:

निर्वाचन कार्यक्रम अन्तर्गत् नेपालगन्ज उपमहानगरपालिकाको नेपाली कांग्रेस पार्टी कार्यालयमा मनोनयन र जिल्ला समन्वय समितिको हलमा मतदान, कोहलपुर नगरपालिकाको भेरी सित भण्डार, राप्ती सोनारीको सेल्टर भवन (साइपुर), बैजनाथ गाउँपालिकाको सम्झना चोक सामुदायिक भवन, खजुरा गाउँपालिकाको कपास विकास समितिको हल, डुडुवा गाउँपालिकाको बेतहनीस्थित सिधुराभारी सामुदायिक बहुउद्देश्यीय हल, जानकी गाउँपालिकाको मानपुरस्थित सभाहल र नरैनापुरको कालाफाँटास्थित सामुदायिक भवनमा मनोनयन दर्ता हुनेछ ।