कांग्रेस अधिवेशन: बाँकेका कुन-कुन पालिकामा को-को भिड्दैछन् (सूचीसहित)

राजनीति

गृहपृष्ठ
राजनीति
कांग्रेस अधिवेशन: बाँकेका कुन-कुन पालिकामा को-को भिड्दैछन् (सूचीसहित)

कांग्रेस अधिवेशन: बाँकेका कुन-कुन पालिकामा को-को भिड्दैछन् (सूचीसहित)

बुधबार, मंसिर १, २०७८ बागेश्वरी पोस्ट

नेपालगन्ज । नेपाली कांग्रेसको पालिका अधिवेशनको सरगर्मी बढेको छ । सबै पालिकामा आज मनोनयन हुँदैछ । आठ वटा पालिका रहेको बाँकेमा सबै जसोमा तीव्र प्रतिष्पर्धा हुने देखिएको छ ।

पालिका सभापतिसहित पूरै कार्यसमितिमै कतै द्विपक्षीय र त्रिपक्षीय प्रतिष्पर्धा हुने देखिएको छ । संस्थापन समूह र संस्थापन इतर समूह प्यानल नै बनाएर चुनावी प्रतिष्पर्धामा उत्रिँदैछन् । उम्मेदवारहरुले आफ्नो प्रचारप्रसारलाई आक्रामक ढंगले अगाडि बढाएका छन् । सामाजिक संजाल फेसबुकमा प्रचार सामग्री राखेर प्रचारप्रसारमा जुटेका उम्मेदवारहरु मतदाता भेट्न ब्यस्त छन् । पालिका अधिवेशनका लागि क्षेत्रीय प्रतिनिधिहरु मतदाता हुन्छन् ।

नेपालगन्ज उपमहानगरपालिकामा प्रशान्त विष्ट, उमा थापा मगर र विनोद रिजाल प्यानल नै बनाएर प्रचारप्रसारमा जुटिसकेका छन् । विष्ट र रिजाल संस्थापन र थापा मगर संस्थापन इतरकी हुन् । कोहलपुर नगरपालिकामा विरेन्द्र शाह र राजेन्द्र श्रेष्ठले उम्मेदवारी घोषणा गरेका छन् । शाह संस्थापन इतर समूह र श्रेष्ठ संस्थापन पक्षका उम्मेदवार हुन् । राप्तीसोनारी गाउँपालिकामा भिम बहादुर राना र तुलाराम खत्री सभापतिका उम्मेदवार हुन् । राना संस्थापन र खत्री इतर समूहका हुन् ।

नरैनापुर गाउँपालिका सभापतिमा संस्थापन इतरबाट मेराज अहमद खाँ र संस्थापन समूहबाट रामानन्द शर्मावीच प्रतिष्पर्धा हुँदैछ । डुडुवा गाउँपालिकामा विजय कुमार यादव र सब्बिर खाँले उम्मेदवारी घोषणा गरेका हुन् । उनीहरु दुबै संस्थापन इतरका हुन् । उनीहरुवीच सहमति गराउने कोसिस भइरहेको बताइएको छ ।

बैजनाथ गाउँपालिकामा देव बहादुर केसी, केशर खड्का र रामबहादुर विष्टले उम्मेदवारी दिँदैछन् । सबै संस्थापन पक्षका उम्मेदवार हुन् । खजुरा गाउँपालिका राजकिशोर महतरा र रमेश सिजालीले उम्मेदवारी दिने तयारी गरेका छन् । महतरा संस्थापन इतर र सिजाली संस्थापनका उम्मेदवार हुन् । जानकीमा भने अहिलेसम्म एक जनाको मात्र उम्मेदवारी पर्ने सम्भावना छ । दयाराम यादव सभापतिका प्रत्यासी हुन् । उनी संस्थापन समूहका हुन् ।

हेर्नुस् कहाँ को को प्रतिष्पर्धामा उत्रिँदैछन्: