को हुन् नेपालगन्ज नगर सभापतिका उम्मेदवार बिनोद रिजाल !

राजनीति

गृहपृष्ठ
राजनीति
को हुन् नेपालगन्ज नगर सभापतिका उम्मेदवार बिनोद रिजाल !

को हुन् नेपालगन्ज नगर सभापतिका उम्मेदवार बिनोद रिजाल !

बुधबार, मंसिर १, २०७८ बागेश्वरी पोस्ट

सभापतिका उम्मेदवार बिनोद रिजाल

नेपालगन्ज । भोलि बिहिवार अर्थात् मंसिर २ गते नेपाली कांग्रेसको १४औं महाधिवेशन अन्तर्गत् बाँकेमा पालिकास्तरीय अधिबेशन हुँदैछ । पालिकास्तरीय अधिबेशन अन्तर्गत् नेपालगन्ज उपमहानगरपालिकाको निर्वाचनलाई महत्त्वका साथ हेरिएको छ ।

नेपालगन्ज नगर अधिबेशनका लागि तीन जनाको उम्मेदवारी घोषणा भएको छ । जसमा संस्थापन समूहका बर्तमान सभापति प्रशान्त बिष्ट र संस्थापन समूहकै बिनोद रिजाल तथा संस्थापन इतरबाट उमा थापा मगरले उम्मेदवारी घोषणा गरिसकेका छन् । थापा मगर नेपालगन्ज उपमहानगरपालिकाकी उपप्रमुख हुन् । आज सबैले उम्मेदवारी दर्ता गर्दैछन् ।

बागेश्वरी पोष्टले नेपालगञ्ज नगरको सभापति पदमा उम्मेदवारी दिन लागेका तीन जना उम्मेदवारकै राजनीतिक पृष्ठभूमी खोतल्दैछ । नगर अधिबेशनमा सभापति पदमा उम्मेदवारी दिने सबैको लामो राजनीतिक पृष्ठभुमि छ । यसैक्रममा एक जना प्रत्यासी तरुण दल बाँकेका सचिव विनाद रिजालका बारेमा चर्चा गर्दैछौं । को हुन् रिजाल ?

यस्तो छ उनको राजनीतिक यात्रा-

सभापतिका उम्मेदवार बिनोद रिजाल

१- बि.सं: २०४६ को आन्दोलनबाट राजनीतिक यात्रा सुरु

२- बि.सं: २०४८ देखि २०५० सम्म - महेन्द्र बहुमुखी क्याम्पस नेबिसंघ इकाई कमिटीको उपसभापति

३- बि.सं: २०५१ मा नेबिसंघ नेपालगन्ज नगर सचिब

४- बि.सं: २०५३ मा क्षेत्र नम्बर २ बाँकेको नेबिसंघको क्षेत्रीय सभापति

५- बि.सं: २०५६ देखि २०५८ सम्म नेबिसंघ बाँकेको जिल्ला उपाध्यक्ष

६- बि.सं: २०५८ देखि २०६२ सम्म नेबिसंघ बाँके जिल्ला अध्यक्ष

७- बि.सं: २०७२ देखि हालसम्म नेपाल तरुण दल बाँकेको जिल्ला सचिब

यति मात्रै होइन सभापतिका उम्मेदवार रिजालले पार्टीका हरेक मोर्चामा अग्रस्थानमा रहेर उल्लेखनीय भूमिका निभाएका छन् । पार्टीले गरेको आन्दोलनका हरेक मोर्चामा अग्रस्थानमा रहेर सहभागी हुँदा धेरैपटक हिरासतमा पुगेर यातना समेत पाएका छन् । उनी द्वन्दकालमा माओवादीको निशानामा समेत परेका थिए ।

उनलाई नेपालगन्ज नगर अधिबेशनका लागि बागेश्वरीपोस्टको तर्फबाट शुभकामना !