को हुन् नेपालगन्ज नगर सभापतिका उम्मेदवार प्रशान्त विष्ट ?

राजनीति

गृहपृष्ठ
राजनीति
को हुन् नेपालगन्ज नगर सभापतिका उम्मेदवार प्रशान्त विष्ट ?

को हुन् नेपालगन्ज नगर सभापतिका उम्मेदवार प्रशान्त विष्ट ?

यस्तो छ बिष्टले कलिलो उमेरमा सुरु गरेको राजनीतिक यात्रा !

बुधबार, मंसिर १, २०७८ बागेश्वरी पोस्ट

नगर सभापतिका उम्मेदवार प्रशान्त बिष्ट

नेपालगन्ज । प्रशान्त विष्ट बाँकेको राजनीतिमा चिरपरिचित नाम हो । नेपाल विद्यार्थी संघको राजनीतिबाट उदाएका विष्ट तेस्रो पटक पनि नेतृत्व लिने चाहनासहित नेपालगन्ज नगर सभापतिको दौडमा छन् । नेविसंघमा रहेर उनले स्कुल इकाई कमिटिबाट राजनीति शुरु गरेका हुन्। उनी पहिलोपटक २०५० सालमा महेन्द्र माध्यामिक विद्यालयमा पढ्दै गर्दा नेविसंघ इकाई कमिटीमा आवद्ध भएका थिए ।

२०५३ सालमा महेन्द्र बहुमुखी क्याम्पसको इकाई कमिटी सदस्य बनेका विष्ट २०५५ सालमा महेन्द्र बहुमुखी क्याम्पसमा नेबिसंघको सह-सचिब चुनिएका थिए । २०५६ सालमै नेबिसंघ नेपालगन्ज अध्यक्ष बनेका विष्ट नेपालगन्ज नगरका लोकप्रिय युवा नेता हुन्।

उनी २०५७ सालमा नेविसंघबाट स्वतन्त्र बिद्यार्थी युनियनमा उपसभापतिको उम्मेदवार बनेका थिए। २०५८ सालमा महेन्द्र बहुमुखी क्याम्पसको नेबिसंघ इकाई उपसभापति रहिसकेका विष्ट २०५९ सालमा भएको स्वतन्त्र बिद्यार्थी युनियनमा पनि नेबिसंघबाट उपसभापतिको उम्मेदवार बनेका थिए । २०६१ सालमा पुनः उनी स्वतन्त्र बिद्यार्थी युनियनमा नेबिसंघबाट उपसभापतिको उम्मेदवार बनेका थिए । सबैमा विजयी बने ।

२०६२/६३ सालको जनआन्दोलनमा नेबिसंघको तर्फबाट बिद्यार्थी परिचालन कमिटीको कमाण्डर रहेका विष्ट जनआन्दोलनको समयमा दर्जनौं पटक प्रहरीद्वारा दुव्र्यवहार तथा गिरफ्तारीमा परेर कयौं पटक हिरासतमा परेका थिए । उनले आन्दोलनमा सक्रिय भूमिका खेलेका थिए । २०६३ सालदेखि लगातार ४ बर्ष नेबिसंघ बाँकेको अध्यक्ष बनेका बिष्टले कुशल नेतृत्व क्षमता देखाएका थिए ।

२०६८ सालमा नेपालगन्ज नगर कमिटीमा नेपाली कांग्रेसको नगर सभापति पदमा निर्वाचित भएका उनी पुनः २०७३ सालमा उपमहानगरपालिका भए पश्चात् सर्बसम्मत नेपालगन्ज उपमहानगरपालिका नगर सभापतिमा दोहोरिएका थिए । तेस्रो पटक फेरि पनि सभापति हुने दाउमा रहेका विष्टले पार्टी नै सबथोक ठानेर संगठन बलियो बनाउन लाग्ने बताएका छन् ।

नगर सभापतिका उम्मेदवार प्रशान्त बिष्टलाई बागेश्वरीपोस्टको तर्फबाट शुभकामना !