माधव नेपाल र प्रचण्ड प्रबृत्ति अब एमालेमा रहँदैनः केपी ओली

राजनीति

गृहपृष्ठ
राजनीति
माधव नेपाल र प्रचण्ड प्रबृत्ति अब एमालेमा रहँदैनः केपी ओली

माधव नेपाल र प्रचण्ड प्रबृत्ति अब एमालेमा रहँदैनः केपी ओली

बुधबार, मंसिर १, २०७८ बागेश्वरी पोस्ट

नेपालगञ्जमा आयोजित कार्यक्रमलाई सम्बोधन गर्दै केपी शर्मा ओली

नेपालगञ्ज । नेकपा एमालेका अध्यक्ष एवम् पूर्व प्रधानमन्त्री केपी शर्मा ओलीले एकजुट भएर मात्र देश बनाउन सकिने भन्दै पार्टीका नेता कार्यकर्ताहलाई एकताबद्ध भएर लाग्न आह्वान गरेका छन् । नेपालगञ्जमा आयोजित पार्टी प्रवेश कार्यक्रमलाई सम्बोधन गर्दै अध्यक्ष वलीले अरु पार्टीको जस्तो किचलो, झमेलाको सिको नगर्न आफ्ना कार्यकर्तालाई निर्देशन दिए ।

"म भन्ने भावना राख्ने, अहंकार देखाउनेहरु पार्टीबाट गैसके अब नेकपा एमालेमा बस्नेहरुले म भन्ने भावना राख्ने अनि अहंकार देखाउने काम गर्ने होइन, एकताबद्ध भएर अघि बढ्नुपर्दछ," ओलीले भने । उनले देशको रक्षक र जनताको सेवकका हिसाबले आफूलाई प्रस्तुत गर्न कार्यकर्तालाई आग्रह गरे । "आफ्नो पार्टीभित्र सहमति, समझदारी र एकता कायम गरेर विपक्षीसंग प्रतिष्पर्धा गर्ने हो," उनले भने-"अब एमालेमा माधब नेपाल र प्रचण्ड प्रबृत्ति रहँदैन, पार्टीभित्र आन्तरिक किचलो गर्ने अनि विपक्षीसंग साँठगाँठ गर्ने कुलंगार प्रबृत्ति अब कम्युनिष्ट पार्टीमा रहनुहुँदैन ।"

आफू नेतृत्वको सरकारले गरेका कामहरुको विवरण सुनाउन धेरै समय खर्चेका ओलीले आफूले गरेको कामको जस अहिलेको सरकारले लिने कोेशिस गरिरहेको टिप्पणी गरे । उक्त कार्यक्रममा पूर्व जिविस सभापति पशुपतिदयाल मिश्रसहित अन्य पार्टीका नेता कार्यकर्ताहरु एमालेमा प्रवेश गरेका छन् ।

प्रकाशित मिति: बुधबार, मंसिर १, २०७८ १५:५८

प्रतिक्रिया दिनुहोस्