स्कुले ठिटोबाट राजनीति सुरु गरेका प्रशान्त बिष्टको ह्‌याट्रिक

राजनीति

गृहपृष्ठ
राजनीति
स्कुले ठिटोबाट राजनीति सुरु गरेका प्रशान्त बिष्टको ह्‌याट्रिक

स्कुले ठिटोबाट राजनीति सुरु गरेका प्रशान्त बिष्टको ह्‌याट्रिक

"कांग्रेस छ र म छु": प्रशान्त बिष्ट

शुक्रबार, मंसिर ३, २०७८ बागेश्वरी पोस्ट

नेपालगन्ज । नेपालगन्जका युवा राजनीतिज्ञ प्रशान्त बिष्टले आफू कांग्रेसभित्र सफल नेता भएको साबित गरेका छन् । लगातर तेस्रो कार्यकालका लागि नेपालगन्ज कांग्रेस नगर सभापति जित्ने पहिलो व्यक्ति समेत बनेका छन्, बिष्ट ।

सबै सँगको सरल व्यवहार, सहयोगी भावना र असल स्वभावका कारण नेपालगन्ज नगरभरिका क्षेत्रीय प्रतिनिधिहरुले उनलाई माया गर्दै अत्याधिक मतका साथ तेस्रो कार्यकालका लागि साथ दिएर निर्बाचित गराएका छन्। नगरभरि ३८२ मतदाता मध्येबाट नेता बिष्टलाई मात्रै २४३ जनाले मत दिएका छन् । उनका प्रतिद्वन्दीहरुले ७६ र ४१ ल्याउँदा बिष्टले २४३ मत ल्याउनुले पनि बिष्ट नगरमा कति बलिया रहेछन् भन्ने प्रष्ट देखिएको छ । बिष्टले आफूसहित आफ्नो प्यानललाई नै विजयी बनाउँदा मतगणना स्थलमा 'अबको मेयर प्रशान्त' भन्ने नारा समेत गुञ्जिएको थियो ।

सभापतिमा बिष्टसहित उपसभापतिमा धनराज बर्मा र मो. कमाल अन्सारी, सचिवमा सुरेन्द्र कुमार श्रेष्ठ र हरिबाबु घिमिरे तथा सहसचिवमा मार्टिन वली क्षेत्री र शरदराज अधिकारी निर्बाचित हुँदाको पलमा समर्थकहरुले गरेको प्रशंसा र तारिफले झनै नयाँ किसिमको उर्जा थपिएको उनी बताउँछन् । आफू र आफ्नो प्यानल निर्बाचित भएपश्चात् सभापति बिष्टले सबै मतदाताहरुलाई धन्यवाद दिँदै संगठन मजबुत बनाउनतर्फ आफू लागिपर्ने बताएका छन् ।

नगर सभापति प्रशान्त बिष्टको राजनितिक यात्रा!

प्रशान्त विष्ट बाँकेको राजनीतिमा चिरपरिचित नाम हो । नेपाल विद्यार्थी संघको राजनीतिबाट उदाएका विष्ट तेस्रो पटक पनि नेपालगन्ज नगर सभापतिमा निर्बाचित भएका छन् । स्कुले ठिटोबाट नेविसंघमा रहेर उनले स्कुल इकाई कमिटिबाट राजनीति शुरु गरेका हुन् । उनी पहिलोपटक २०५० सालमा महेन्द्र माध्यामिक विद्यालयमा पढ्दै गर्दा नेविसंघ इकाई कमिटीमा आवद्ध भएका थिए ।

२०५३ सालमा महेन्द्र बहुमुखी क्याम्पसको इकाई कमिटी सदस्य बनेका विष्ट २०५५ सालमा महेन्द्र बहुमुखी क्याम्पसमा नेबिसंघको सह-सचिब चुनिएका थिए । २०५६ सालमै नेबिसंघ नेपालगन्ज अध्यक्ष बनेका विष्ट नेपालगन्ज नगरका लोकप्रिय युवा नेता सबित भएका छन् ।

उनी २०५७ सालमा नेविसंघबाट स्वतन्त्र बिद्यार्थी युनियनमा उपसभापतिको उम्मेदवार बनेका थिए। २०५८ सालमा महेन्द्र बहुमुखी क्याम्पसको नेबिसंघ इकाई उपसभापति रहिसकेका विष्ट २०५९ सालमा भएको स्वतन्त्र बिद्यार्थी युनियनमा पनि नेबिसंघबाट उपसभापतिको उम्मेदवार बनेका थिए । २०६१ सालमा पुनः उनी स्वतन्त्र बिद्यार्थी युनियनमा नेबिसंघबाट उपसभापतिको उम्मेदवार बनेका थिए । सबैमा विजयी बने ।

२०६२/६३ सालको जनआन्दोलनमा नेबिसंघको तर्फबाट बिद्यार्थी परिचालन कमिटीको कमाण्डर रहेका विष्ट जनआन्दोलनको समयमा दर्जनौं पटक प्रहरीद्वारा दुव्र्यवहार तथा कयौं पटक हिरासतमा परेका थिए । उनले आन्दोलनमा सक्रिय भूमिका खेलेका थिए । २०६३ सालदेखि लगातार ४ बर्ष नेबिसंघ बाँकेको अध्यक्ष बनेका बिष्टले कुशल नेतृत्व क्षमता देखाएका थिए ।

२०६८ सालमा नेपालगन्ज नगर कमिटीमा नेपाली कांग्रेसको नगर सभापति पदमा निर्वाचित भएका उनी पुनः २०७३ सालमा उपमहानगरपालिका भए पश्चात् सर्बसम्मत नेपालगन्ज उपमहानगरपालिका नगर सभापतिमा दोहोरिएका थिए । तेस्रो पटक फेरि पनि सभापतिमा निर्बाचित बनेका विष्टले 'कांग्रेस छ र म छु' भन्ने भाव राखेर पार्टी नै सबथोक ठान्दै संगठन बलियो बनाउन लाग्ने बताएका छन् ।

प्रकाशित मिति: शुक्रबार, मंसिर ३, २०७८ १६:३९

प्रतिक्रिया दिनुहोस्