कांग्रेस कोहलपुर नगर सभापतिमा विरेन्द्र शाह निर्वाचित

राजनीति

गृहपृष्ठ
राजनीति
कांग्रेस कोहलपुर नगर सभापतिमा विरेन्द्र शाह निर्वाचित

कांग्रेस कोहलपुर नगर सभापतिमा विरेन्द्र शाह निर्वाचित

शाहको सम्पूर्ण प्यानल विजयी

शुक्रबार, मंसिर ३, २०७८ बागेश्वरी पोस्ट

नेपालगञ्ज । नेपाली कांग्रेस कोहलपुर नगरपालिकाको नगर सभापतिमा विरेन्द्र कुमार शाह निर्वाचित भएका छन् ।

प्रतिद्वन्दी राजेन्द्र श्रेष्ठलाई १६ मतान्तरले हराउँदै शाह नगर सभापतिमा निर्वाचित भएका हुन् । संस्थापन इतर समूहका शाहले संस्थापन समूहका श्रेष्ठलाई हराएका हुन् । शाहले १६० मत पाए भने श्रेष्ठले १४४ मत पाएका छन् । शाहसहित उनको पूरै प्यानल निर्वाचित भएको छ ।

उपसभापतिमा भरत शर्मा र सुशील सापकोटा विजयी भएका छन् । शर्माले १६७ मत पाउँदा सापकोटाले पनि १६७ मत पाएका छन् । उनीहरुका प्रतिद्वन्दी चेतकान्त भट्टराईले १३९ र अंशुमान चौधरीले १२८ मत पाए । सचिवमा शाह प्यानलकै बालकुमार शर्मा र गोविन्द वाग्ले निर्वाचित भएका छन् । शर्माले १८१ मत ल्याउँदा वाग्लेले पनि १८१ मत नै पाएका छन् । उनीहरुका प्रतिद्वन्दी भूमबहादुर भण्डारीले १३२ मत र भुपेन्द्र शाहीले १०६ मत पाए ।

त्यस्तै सहसचिवमा महेश कुमार चौधरी १७७ र रामु लम्साल १५० मतका साथ विजयी भएका छन् । प्रतिद्वन्दी कृष्णकुमार पुन मगर १३८ र कमल बहादुर शाहीले १२९ मत पाए ।

हेर्नुस् सबै उम्मेदवारहरुको मत परिणाम

No description available.