बाँके कांग्रेस अधिवेशनः प्रदेशसभा निर्वाचन क्षेत्रमा भोली मनोनयन

राजनीति

गृहपृष्ठ
राजनीति
बाँके कांग्रेस अधिवेशनः प्रदेशसभा निर्वाचन क्षेत्रमा भोली मनोनयन

बाँके कांग्रेस अधिवेशनः प्रदेशसभा निर्वाचन क्षेत्रमा भोली मनोनयन

शुक्रबार, मंसिर ३, २०७८ बागेश्वरी पोस्ट

नेपालगञ्ज । नेपाली कांग्रेसको १४औं महाधिवेशन अन्तर्गत् बाँकेको ६ वटा प्रदेशसभा निर्वाचन क्षेत्रमा भोली निर्वाचन कार्यक्रम सुरु गरिने भएको छ । जिल्ला निर्वाचन परिचालन समिति बाँकेको बैठकले प्रदेशसभा निर्वाचनका लागि भोली नै निर्वाचन कार्यक्रम अगाडि बढाउने निर्णय गेको हो ।

जिल्ला निर्वाचन अधिकृत एवम् वरिष्ठ अधिवक्ता रेवतीरमण भट्टराईले ६ वटा प्रदेशसभा निर्वाचन क्षेत्रका लागि भोली बिहान १० बजेदेखि निर्वाचन कार्यक्रम सुरु गर्ने तालिका बनेपनि कोहलपुर र राप्तीसोनारीको मत गणना समयमा नसकिएको र परिणाम आउन ढिला भएकाले यस कार्यक्रमलाई केही असर पर्ने बताए । तर, निर्वाचन कार्यक्रम अन्तर्गत् भोली नै उम्मेदवारी मनोनयन लगायतका काम हुने उनले जानकारी दिए ।

प्रदेशसभा निर्वाचन क्षेत्रमा मतदान कार्यमा खटिने मतदान अधिकृतलाई आज नै अभिमुखीकरण गरिएको छ । जिल्ला सहायक निर्वाचन अधिकृत एवम् अधिवक्ता चित्रबहादुर शाहीका अनुसार बाँके क्षेत्र नम्बर १ प्रदेश सभा (क) को फत्तेपुर, (ख) को कोहलपुर, क्षेत्र नम्बर २ (क) को जिल्ला समन्वय समिति नेपालगन्ज, (ख) को नेपाली कांग्रेस बाँकेको कार्यालय र क्षेत्र नम्बर ३ (क) को सम्झना चोक र (ख) को खजुरास्थित कपास विकास समितिमा निर्वाचन कार्यक्रम गरिनेछ ।

बाँके निर्वाचन क्षेत्र नम्बर १ (क) मा अधिवक्ता गोपाल गिरी, (ख) मा अधिवक्ता रुपनारायण बिसी, क्षेत्र नम्बर २ (क) मा सुरेश पर्सेला, (ख) मा ऋषिराज शर्मा, क्षेत्र नम्बर ३ को (क) मा अधिवक्ता विश्वजित तिवारी र (ख) मा विक्रम भण्डारीलाई मतदान अधिकृत तोकिएको सहायक निर्वाचन अधिकृत शाहीले जानकारी दिए ।

प्रकाशित मिति: शुक्रबार, मंसिर ३, २०७८ १९:५८

प्रतिक्रिया दिनुहोस्