बाँकेका दुई प्रदेशसभा क्षेत्रमा निर्विरोध, चार क्षेत्रमा भोली मतदान

राजनीति

गृहपृष्ठ
राजनीति
बाँकेका दुई प्रदेशसभा क्षेत्रमा निर्विरोध, चार क्षेत्रमा भोली मतदान

बाँकेका दुई प्रदेशसभा क्षेत्रमा निर्विरोध, चार क्षेत्रमा भोली मतदान

शनिबार, मंसिर ४, २०७८ बागेश्वरी पोस्ट

नेपालगञ्ज । बाँकेमा भोली नेपाली कांग्रेस प्रदेशसभा क्षेत्रको नेतृत्व चुन्न चुनाव हुँदैछ । आज यहाँका ६ वटै निर्वाचन क्षेत्रमा मनोनयन दर्ता भएको छ । ६ प्रदेशसभा निर्वाचन क्षेत्र मध्ये २ वटामा निर्विरोध नेतृत्व चयन भएको छ । अन्य ४ क्षेत्रमा भने पालिका अधिवेशनमा जस्तै दुई पक्षीय प्रतिष्पर्धा हुने भएको छ ।

बाँकेको प्रदेशसभा निर्वाचन क्षेत्र ३(क) को नेपाली कांग्रेस सभापतिमा केशब कुमार शाह निर्विरोध निर्वाचित भएका छन् । यस्तै उपसभापतिमा कन्हैलाल थारु र फरिजुद्दिन हलवाई निर्विरोध निर्वाचित भएका छन् । सहसचिवमा पनि नवराज रावल र सियाराम पथिक धोवी निर्विरोध निर्वाचित भएको मतदान अधिकृत अधिवक्ता विश्वजित तिवारीले जानकारी दिए । दुई जना सचिवका लागि भने कमल प्रसाद थारु, धिरेन्द्र कुमार ठाकुर र निखिल वैगरको उम्मदेवारी परेकाले सर्वसम्मत बनाउने कोशिस भइरहेको नेताहरुले बताएका छन् । २५ सदस्यीय कार्यसमितिमा सदस्यहरु र प्रदेश महाधिवेशन प्रतिनिधि पनि सर्वसम्मत गर्ने प्रयास भइरहेको छ । प्रदेश ३(ख) मा पनि क्षेत्रीय कार्यसमिति पदाधिकारीमा निर्विरोध भएको छ । सभापतिमा राजेन्द्र आचार्य निर्विरोध भएका छन् ।

अन्य प्रदेशसभा क्षेत्रमा भने पार्टीभित्र विद्यमान संस्थापन र संस्थापन इतर समूहबीच प्रतिष्पर्धा हुँदैछ । प्रदेशसभा अधिवेशनबाट प्रदेश क्षेत्रीय कार्यसमिति र प्रदेश महाधिवेशन प्रतिनिधि पनि छनौट हुनेछन् । बाँकेको प्रदेशसभा निर्वाचन क्षेत्र नम्बर १(क) मा संस्थापन इतर समूहबाट सभापतिमा जुगलाल चौधरी र संस्थापन समूहबाट लक्ष्मण थारुबीच प्रतिष्पर्धा हुने भएको छ । उनीहरु प्यानल नै बनाएर चुनावी मैदानमा उत्रिएका छन् । यस्तै प्रदेशसभा क्षेत्र नम्बर १(ख) मा सभापतिमा संस्थापन इतर समूहबाट सभापतिमा बलराम शर्मा र महाविर वलीबीच प्रतिष्पर्धा हुनेछ ।

प्रदेशसभा क्षेत्र नम्बर २(क) बाट सभापतिमा संस्थापन समूहबाट शिवकुमार बर्मा र संस्थापन इतर समूहबाट ज्ञानेन्द्र कुमार चौधरी चुनावी प्रतिष्पर्धामा उत्रिएका छन् । यस्तै २(ख) बाट संस्थापन समूहका जितेन्द्र हमाल र संस्थापन इतरका अकबर अली दर्जी सभापतिमा भिड्दैछन् । उनीहरु प्यानल नै बनाएर चुनावी मैदानमा उत्रिएका छन् ।

प्रकाशित मिति: शनिबार, मंसिर ४, २०७८ २०:५३

प्रतिक्रिया दिनुहोस्