बाँकेका चार प्रदेश क्षेत्रमा निर्वाचन चल्दै, मतदान अन्तिम चरणमा

राजनीति

गृहपृष्ठ
राजनीति
बाँकेका चार प्रदेश क्षेत्रमा निर्वाचन चल्दै, मतदान अन्तिम चरणमा

बाँकेका चार प्रदेश क्षेत्रमा निर्वाचन चल्दै, मतदान अन्तिम चरणमा

आइतबार, मंसिर ५, २०७८ बागेश्वरी पोस्ट

फत्तेपुरमा चलिरहेको मतदान

नेपालगञ्ज । नेपाली कांग्रेसको १४औं महाधिवेशन अन्तर्गत् बाँकेका ४ वटा प्रदेशसभा निर्वाचन क्षेत्रमा आज मतदान भइरहेको छ । सबै क्षेत्रमा मतदान अन्तिम चरणमा पुगेको छ । मतदान पश्चात् आजै मतगणना गर्ने तयारी गरिएको छ ।

प्रदेशसभा निर्वाचन क्षेत्र १ (क) र (ख) तथा प्रदेशसभा निर्वाचन क्षेत्र नम्बर २ (क) र (ख) मा मतदान भइरहेको छ । ३ (क) र (ख) मा हिजै सर्वसम्मत भइसकेको छ । ३ (क) मा केशब कुमार शाह र ३ (ख) मा राजेन्द्र आचार्य निर्विरोध भएका थिए ।

प्रदेशसभा निर्वाचन क्षेत्र १ (क) मा संस्थापनबाट लक्ष्मण थारु र संस्थापन इतबाट जुगलाल चौधरीबीच सभापतिमा प्रतिष्पर्धा छ । १ (ख) मा संस्थापन इतरबाट बलराम शर्मा र संस्थापनबाट महाविर वली प्रतिष्पर्धामा छन् । त्यस्तै २ (क) मा संस्थापन इतरबाट ज्ञानेन्द्र कुमार चौधरी र संस्थापनबाट शिव कुमार बर्मा नेतृत्वको प्यानलबीच प्रतिष्पर्धा भइरहेको छ ।

प्रदेश २ (ख) मा संस्थापनबाट जितेन्द्र हमाल र संस्थापन इतरबाट अकबर अली दर्जीबीच प्रतिष्पर्धा छ । फत्तेपुरस्थित प्रदेश १ (क) मतदान स्थलमा रहेका सहकर्मी सौरभ गिरीले २५० मध्ये २०२ मत खसिसकेको बताएका छन् । अन्य क्षेत्रमा पनि मतदान अन्तिम अन्तिम चरणमा पुगेको छ ।

प्रकाशित मिति: आइतबार, मंसिर ५, २०७८ १४:२३

प्रतिक्रिया दिनुहोस्