पत्रकार महासंघको विज्ञप्ती प्रोपोगाण्डा मात्र होः सिवाकोटी

राजनीति

गृहपृष्ठ
राजनीति
पत्रकार महासंघको विज्ञप्ती प्रोपोगाण्डा मात्र होः सिवाकोटी

पत्रकार महासंघको विज्ञप्ती प्रोपोगाण्डा मात्र होः सिवाकोटी

आइतबार, मंसिर ५, २०७८ बागेश्वरी पोस्ट

नेपालगञ्ज । नेपाल प्रेस युनियनका महासचिव अजयबाबु शिवाकोटीले पत्रकारको राजनीतिक निर्वाचनदेखि अधिवेशनमा सहभागितालाई लिएर सकारात्मक हुन आग्रह गरेका छन् ।

नेपाल पत्रकार महासंघले हाल जारी अधिवेशनका क्रममा पत्रकारको संलग्तनाको विषयलाई विज्ञप्ती जारी गरेसंगै महासचिव शिवाकोटीले आइतबार विराटनगरमा पत्रकारसंगको छलफलमा महासंघको विज्ञप्ती प्रोपोगाण्डा मात्र भएको बताएका छन् । राजनीतिक दलसंग निकटता राख्दै आएको पत्रकारिता इतिहास नविर्सन सुझाव दिँदै महासविच शिवाकोटीले अधिवेशनमा सहभागी भएको भरमा जागिरबाट निकाल्ने धम्की दिएका संस्थालाई कार्वाही गर्न चुनौति दिए ।

‘विभिन्न दलको जारी अधिवेशनसंग जोडेर सञ्चार प्रतिष्ठानहरुले पत्रकारलाई पेशाबाट बाहिर गराउने प्रकृतिको धम्की समेत आइरहेको छ, महासंघले यस विषयमा कुरा राख्न सक्नुपर्छ,’ उनले भने । महासंघभित्र पनि केही ब्यक्ति सक्रिय राजनीतिमा रहँदै गर्दा महासंघमा अटाएको स्मरण गराउँदै शिवाकोटीले महाधिवेशन पहिलोपटक नभएको र विगतमा समेत विभिन्न दलका भातृसंस्थाको रहेका पत्रकार त्यसको प्रतिनिधि समेत बन्दै आएको बताए । स्थानीयदेखि प्रदेश तहको निर्वाचनमा पत्रकारहरु प्रचारसमितिमा रहेर काम गरेको जनाउँदै उनले ती निर्वाचनमा पत्रकारहरु दलीय उम्मेदवार भएर हिँडेको बताए । उनले भने, ‘विगतका निर्वाचनमा पत्रकार दलीय राजनीतिमा होमिएका थिए । ती निर्वाचनमा हारेर पुनः यसै पेशामा फर्किएका छन् । उनीहरुको हकमा महासंघले क्षमादान गर्ने भन्ने कुरा अहिलेको विज्ञप्तीले महासंघको दोहोरो भूमिका छल्किएको छ ।'

प्रकाशित मिति: आइतबार, मंसिर ५, २०७८ २०:१२

प्रतिक्रिया दिनुहोस्