कोहलपुरमा दुई दिने रेडियो पत्रकारिता तालिम सम्पन्न

समाचार

गृहपृष्ठ
समाचार
कोहलपुरमा दुई दिने रेडियो पत्रकारिता तालिम सम्पन्न

कोहलपुरमा दुई दिने रेडियो पत्रकारिता तालिम सम्पन्न

सोमबार, मंसिर ६, २०७८ बागेश्वरी पोस्ट

कोहलपुर । बाँकेको कोहलपुरमा आयोजित दुई दिने रेडियो पत्रकारिता तालिम आज सम्पन्न भएको छ । बालविवाह रोकथाम परियोजना अन्तर्गत् सामाजिक सचेतन सरोकार मञ्च (स्याक) नेपालको आयोजना तथा प्लान इन्टरनेशनल नेपालको सहयोगमा आयोजित दुई दिने रेडियो पत्रकारिता तालिम आज सम्पन्न भएको हो ।

No description available.

मंसिर ५ र ६ गते किशोरकिशोरीहरुका लागि आयोजित रेडियो पत्रकारिता तालिममा पत्रकारिता, सामुदायिक पत्रकारिता, रेडियो पत्रकारिता, आधारभूत पत्रकारिता, आधारभूत पत्रकारिता गर्दाका चुनौतीहरु लगायतका विषयमा प्रशिक्षण दिइएको थियो । किशोरकिशोरीहरुलाई सामुदायिक रेडियो पत्रकारका रुपमा अभ्यास गराउँदै बालविवाह लगायतका परम्परागत हानीकारक संस्कारहरु विरुद्धको अभियानलाई सशक्त बनाउने उद्देश्यले तालिमको आयोजना गरिएको स्याक नेपालका बालविवाह रोकथाम परियोजना संयोजक जगदिश थापाले बताए ।

No description available.

यसअघि पनि सामुदायिक रेडियो पत्रकारिताका विषयमा तालिम लिइसकेको किशोरकिशोरी समेत गरी कोहलपुर, बैजनाथ र राप्तीसोनारीका २० जना सहभागी तालिममा पत्रकार नवीन गिरीले प्रशिक्षण दिएका थिए । सहभागीहरुलाई रेडियो रिपोर्टहरुमा समेट्न सकिने बालविवाहका सवालहरु, रिपोर्ट बनाउने तरिका र प्रस्तुतिकरणसंगै सवाल पहिचान तथा समुदायमा भएका सवालहरुलाई सृजनशील र प्रभावकारी ढंगले प्रस्तुत गर्ने बिभिन्न ढाँचाहरुका बारेमा सिकाइएको थियो । दुई दिने तालिमको व्यवस्थापन स्याक नेपालका सुपरभाइजर लसिना वली र बबिता सिंहले गरेका थिए । तालिम समापनका क्रममा बोल्दै एकता किशोरी क्लब बैजनाथकी अध्यक्ष अनु रावतले सिकेका कुरा व्यवहारमा उतार्ने प्रतिबद्धता जनाएकी थिइन् ।

No description available.