संघीय क्षेत्रीय सभापतिमा ह्याट्रिक गर्ने तयारीमा जोशिला 'जगत'

राजनीति

गृहपृष्ठ
राजनीति
संघीय क्षेत्रीय सभापतिमा ह्याट्रिक गर्ने तयारीमा जोशिला 'जगत'

संघीय क्षेत्रीय सभापतिमा ह्याट्रिक गर्ने तयारीमा जोशिला 'जगत'

मंगलबार, मंसिर ७, २०७८ बागेश्वरी पोस्ट

जगतबहादुर खड्का

दाङ । दाङका तीन वटै प्रतिनिधिसभा निर्वाचन क्षेत्रमा आज नयाँ नेतृत्व चयन गर्न मतदान हुँदैछ । पश्चिम दाङको प्रतिनिधिसभा निर्वाचन क्षेत्र नम्बर ३ को निर्वाचलाई अझ चासोका साथ हेरिएको छ ।

नेपाली कांग्रेसका केन्द्रिय सदस्य एवम् पूर्व मन्त्री दिपक गिरीको क्षेत्र भएका कारण पनि यो क्षेत्रमा नेता कार्यकर्ताको चासो छ । वडा, पालिका हुँदै प्रदेशसभा क्षेत्रका निर्वाचनमा पूरै हाबी देखिएका नेता गिरीको समर्थन पाएको उम्मेदवारले नै प्रतिनिधिसभा क्षेत्रीय सभापति पनि जित्ने अवस्था रहेको नेताहरु बताउँछन् । केन्द्रिय सदस्य गिरी, लुम्बिनी प्रदेशसभा सांसद शंकर गिरी लगायतका नेताहरुको साथ र समर्थन पाएका जगतबहादुर खड्काको पल्ला भारी रहेको स्थानीय नेता कार्यकर्ता बताउँछन् ।

६६ बर्षको उमेरमा पनि युवा जोश र जाँगरका साथ संगठनलाई चलायमान बनाउन रातदिन खट्ने शैलीका कारण पनि जगत बहादुर खड्का कार्यकर्ता माझ लोकप्रिय रहेको कार्यकर्ताहरु बताउँछन् । सबैसंग घुलमिल हुने, नेता कार्यकर्ताको सुखदुःखमा साथ दिने, मिजासिलो बानी, सरलपनका कारण उनले फेरि चुनाव जित्दै 'ह्याट्रिक' गर्ने चर्चा कांग्रेसजनमा छ । कांग्रेसको संगठनलाई अझ मजबुत र चलायमान बनाउन आफूले फेरि पनि क्षेत्रीय सभापतिमा उम्मेदवारी दिएको खड्का बताउँछन् ।

नेता कार्यकर्ताले आफूलाई फेरि पनि क्षेत्रीय सभापतिकै रुपमा हेर्न चाहेकाले आफ्नो ह्याट्रिक सुनिश्चित रहेको खड्काको दाबी छ । "नेता कार्यकर्ताले कांग्रेस बनाउने मान्छे खोज्ने हो, जुझारु, कर्तब्यनिष्ठ र सरल स्वभावका उनी क्षेत्रीय सभापतिका लागि उत्तम पात्र हो," एक जना कांग्रेस नेताले भने । खड्कासंगै क्षेत्रीय सभापतिमा सुरेन्द्र खड्का र किरण शाहको उम्मेदवारी परेको छ ।

प्रकाशित मिति: मंगलबार, मंसिर ७, २०७८ ०८:४१

प्रतिक्रिया दिनुहोस्