पोषण केसीलाई अग्रज सवै नेताको साथ

राजनीति

गृहपृष्ठ
राजनीति
पोषण केसीलाई अग्रज सवै नेताको साथ

पोषण केसीलाई अग्रज सवै नेताको साथ

मंगलबार, मंसिर ७, २०७८ बागेश्वरी पोस्ट

कोहलपुर । नेपाली काँग्रेस बाँके क्षेत्र नं १ का क्षेत्रीय सभापति पदका उम्मेदवार पोषण केसीलाई अग्रज सबै नेताले साथ दिएका छन् । त्यति मात्र होइन पुराना नेतादेखि युवा पुस्ताका लोकप्रिय नेताहरुको साथ पनि केसीलाई मिलेको छ ।

पूर्व सांसद ज्ञानु केसी, जिल्ला सचिव तप्त पौडेल, पूर्व क्षेत्रीय सभापतिहरु नारायण सिग्देल, नरबहादुर मल्ल, कृष्ण पौडेल, नारायणप्रसाद गौडेल, महासमिति सदस्य हुर्मत न्यौपाने, मीना सिग्देल पनि केसी प्यानलको पक्षमा उत्रिएका छन् । महाधिवेशन प्रतिनिधि तथा चर्चित युवा नेता पूर्ण आचार्य, क्षेत्रीय सचिव डिल्ली गिरी लगायतका नेताहरु पनि युवा नेता केसी प्यानलको पक्षमा उभिएका छन् । उनीहरुले कोठे गतिविधिमा रमाउने अतिवादी सोच र पार्टीलाई कब्जा गर्ने अधिनायकवादका विरुद्ध केसी प्यानलको पक्षमा उभिएको स्पष्ट पारेका छन् ।

काँग्रेसका युवादेखि पुराना र प्रभावशाली नेता एकै थलोमा उभिएपछि माधवराम खत्री लगभग एक्लिएका छन् । उनलाई राप्तीसोनारी गाउँपालिकाका अध्यक्ष लाहुराम थारुले मात्रै साथ दिएका छन् । खत्रीले पार्टीभित्र गुट उपगुट सिर्जना गरेको, पुराना नेता तथा कार्यकर्ताहरुलाई अपमान गरेको, पार्टीभित्र फरक मत राख्नेलाई कारवाहीसम्म गर्ने गरेको, दुई कार्यकालसम्म क्षेत्रीय सभापति हुँदासम्म पनि पार्टीको क्षेत्रीय कार्यालयको भवन बनाउन नसकेको, आफ्नो निहित स्वार्थका लागि पार्टीलाई प्रयोग गर्ने गरेको उनीहरुको भनाई छ । केन्द्रीय राजनीतिमा सिधा पहुँच भएका युवा नेता केसी बाँकेका आशलाग्दा उर्जाशील र बौद्धिक नेतामा दरिन्छन् ।

कार्यकर्ता माझ अत्यन्तै लोकप्रिय र मिलनसार छवि बनाएका केसीले आपतविपद् पर्दा अहोरात्र खटिएर साथ दिने गरेका छन् । कार्यकर्तालाई दुःख पर्दा प्रहरी प्रशासनमा धाउनेदेखि बिरामी पर्दा अस्पताल आफैं पुग्ने मात्र गरेका छैनन्, विपन्न तथा आर्थिक अवस्था कमजोर भएका परिवारलाई आर्थिक सहयोग समेत गर्ने गरेका छन् ।

प्रकाशित मिति: मंगलबार, मंसिर ७, २०७८ २०:५२

प्रतिक्रिया दिनुहोस्