क्षेत्रीय सभापतिमा दोहोरिन खोज्ने 'रमेश गुप्ता' को हुन् ?

राजनीति

गृहपृष्ठ
राजनीति
क्षेत्रीय सभापतिमा दोहोरिन खोज्ने 'रमेश गुप्ता' को हुन् ?

क्षेत्रीय सभापतिमा दोहोरिन खोज्ने 'रमेश गुप्ता' को हुन् ?

मंगलबार, मंसिर ७, २०७८ बागेश्वरी पोस्ट

रमेश गुप्ता

नेपालगन्ज । रमेश गुप्ता बाँकेको राजनीतिमा एउटा चिरपरिचित नाम हो । नेपाल विद्यार्थी संघको राजनीतिबाट उदाएका गुप्ता दोस्रो पटक पनि प्रतिनिधि सभा क्षेत्र नम्बर २ बाट क्षेत्रीय सभापतिको नेतृत्व लिने चाहनासहित सभापतिको दौडमा छन् । नेविसंघबाट राजनीति सुरु गरेका गुप्ता पहिलोपटक २०३९ सालमा नेबिसंघ बाँकेको जिल्ला सदस्य भएका थिए ।

२०३९ सालमा नेबिसंघ बाँकेको जिल्ला सदस्य बनेका गुप्ताले २०४१ को सत्याग्रह आन्दोलनमा युवा अवस्थामा महत्त्वपुर्ण भुमिका निभाएका थिए । त्यस्तै २०४६ को जनआन्दोलनमा सक्रिय भुमिका खेलेका गुप्ता पटकपटक हिरासतमा परी चरम यातना समेत पाएका थिए ।

२०४७ मा नेबिसंघको तदर्थ समितिको कोषाध्यक्ष भएका गुप्ता २०४९ सालमा नेबिसंघ बाँकेको कोषाध्यक्षमा निर्बाचित बनेका थिए । उनी क्षेत्र नम्बर २ का लोकप्रिय युवा नेता हुन् ।

उनी नेपाली कांग्रेस को १०, ११ र १२औं महाधिवेशनमा साबिक वडा नम्बर ४ को बुथ सभापति समेत बनिसकेका छन् । नेता गुप्ता १२औं महाधिवेशनमा जिल्ला सदस्यमा समेत निर्बाचित भएका थिए ।

बुथ सभापति समेत भएका गुप्ता १३ औं महाधिवेशनमा प्रतिनिधि सभा क्षेत्र नम्बर २ बाट क्षेत्रीय सभापतिमा निर्बाचित बनेका थिए ।

दोस्रो पटक सभापति हुने दाउमा रहेका गुप्ताले १४औं महाधिवेशनमा फेरि प्रतिनिधिसभा क्षेत्र नम्बर २ बाट क्षेत्रीय सभापतिमा उम्मेदवारी दिने घोषणा गरिसकेका छन् । उनी धेरै बलिया उम्मेदवार समेत हुन् ।

पार्टी नै सबथोक ठानेर संगठन बलियो बनाउन लाग्नुपर्छ भन्ने नेता गुप्ता २०४२ देखिका हरेक आन्दोलनमा सहभागी भएका छन् । ०६२/०६३ को दोस्रो जनआन्दोलनमा नेता गुप्ताले कांग्रेसका तर्फबाट सहभागी भएर सक्रिय भुमिका खेल्ने क्रममा हिरासतमा समेत परेका थिए । गुप्ता संस्थापन समूहका हुन् । उनीसँँगै संस्थापन समूहकै बिरेन्द्र बहादुर शाहले पनि क्षेत्रीय सभापतिमा उम्मेदवारी दिँदैछन् ।

प्रकाशित मिति: मंगलबार, मंसिर ७, २०७८ २२:२०

प्रतिक्रिया दिनुहोस्