दाङको १ मा पाण्डे र २ मा खड्का संघीय सभापति

राजनीति

गृहपृष्ठ
राजनीति
दाङको १ मा पाण्डे र २ मा खड्का संघीय सभापति

दाङको १ मा पाण्डे र २ मा खड्का संघीय सभापति

३ मा गणना चल्दै, जगत खड्काको प्यानलै अघि

बुधबार, मंसिर ८, २०७८ बागेश्वरी पोस्ट

नेपालगन्ज । नेपाली काँग्रेसको १४औं महाधिबेशन अन्तरगत् दाङ क्षेत्र नं. १ र २ को संघीय सभापतिमा क्रमशः भेषराज पाण्डे र भिमप्रकाश खड्का बिजयी भएका छन् । दुबै संस्थापन पक्षका हुन् ।

पाण्डेले सर्वजित डिसीलाई १६५ मतान्तरले हराएका हुन् । पाण्डेले ४२२ मत र डिसीले २५७ मत पाए । अघिल्लो अधिबेशनमा पनि पाण्डेले डिसीलाई क्षेत्रीय सभापति पराजित गरेका थिए । त्यस्तै सचिवमा पाण्डे प्यानलका खेमलाल चौधरीले ४२१ र हरिहर शर्मा ४०० मत प्राप्त गरी निर्वाचित भएका छन् । सहसचिब पदमा गोबिन्दकुमार वली ४६३ र प्रकाश कुमार जिसी ४०८ मत प्राप्त गरी बिजयी भएका छन् । क्षेत्र नं. १ मा कुल ६९४ मतदाता मध्ये ६८५ जनाले मतदान गरेका थिए ।

क्षेत्र नम्बर २ मा खड्काले प्रतिद्वन्दी चित्र बहादुर डाँगी निर्मललाई ९९ मत अन्तरले पराजित गरेका छन् । खड्काले ३६६ मत प्राप्त गर्दा संस्थापन इतरका डाँगीले २६७ मत प्राप्त गरेका छन् । सचिवमा डाँगी प्यानलका आरके सितल र खड्का प्यानलका हिमबहादुर डाँगीले समान ३२१ मत प्राप्त गरी बिजयी भएका छन् । सहसचिवमा खड्का प्यानलका रमेशकुमार पाण्डे ४०२ र रञ्जित श्रेष्ठ ३३९ मत प्राप्त गरी निर्वाचित भएका छन् । दाङको निर्वाचन क्षेत्र नं. २ मा कुल ६५१ मतदाता मध्ये ६४२ मतदान भएको थियो । ३ नम्बर क्षेत्रमा भने मतगणना जारी छ । जगतबहादुर खड्का नेतृत्वको प्यानल नै अगाडि छ ।

प्रकाशित मिति: बुधबार, मंसिर ८, २०७८ १०:४८

प्रतिक्रिया दिनुहोस्