बाँके ३ को मत परिणाम आयो, १ मा गणना र २ मा मतदानको तयारी

राजनीति

गृहपृष्ठ
राजनीति
बाँके ३ को मत परिणाम आयो, १ मा गणना र २ मा मतदानको तयारी

बाँके ३ को मत परिणाम आयो, १ मा गणना र २ मा मतदानको तयारी

शुक्रबार, मंसिर १०, २०७८ बागेश्वरी पोस्ट

नेपालगञ्ज । नेपाली कांग्रेस बाँकेको संघीय निर्वाचन क्षेत्रमा नयाँ कार्यसमिति चुन्न बुधबारदेखि सुरु गरेको निर्वाचन कार्यक्रम अन्तर्गत् क्षेत्र नम्बर ३ मा सम्पूर्ण मत परिणाम सार्वजनिक भएको छ । क्षेत्र नम्बर १ मा भने अब केहीबरमै मतगणना शुरु हुँदैछ । क्षेत्र नम्बर २ मा विवादका कारण हिजो स्थगित भएको मतदान आज अब केही समयपछि शुरु गर्ने तयारी छ ।

क्षेत्र नम्बर १ मा पोषण केसी र माधवराम खत्री प्यानलबीच प्रतिष्पर्धा छ । क्षेत्र नम्बर २ मा भने विरेन्द्र शाह र रमेश गुप्ताको प्यानल प्रतिष्पर्धामा छन् । क्षेत्र नम्बर ३ को सभापतिमा नक्की खाँ यसअघि नै निर्विरोध भइसकेका छन् । निर्विरोध हुन नसकेका पदका लागि हिजो भएको मतदानको मत परिणाम सार्वजनिक भएको छ ।

क्षेत्र नम्बर ३ को सचिवमा ज्ञानबहादुर ओली र दिपबहादुर थापा निर्वाचित भएका छन् । ओलीले २६५ र थापाले २१७ मत पाएका छन् । सचिवका अन्य दुई प्रत्यासी कोमलराज सिंह ठकुरीले १०३ र विशाल बहादुर कर्माचार्यले ९८ मत प्राप्त गरेर पराजय व्यहोरेका छन् । सहसचिवमा डम्बरबहादुर रावतले १९८ र राकेशकुमार सोनीले १९४ मत ल्याई विजय हासिल गरे । प्रतिद्वन्दीहरु दिपककुमार थारुले १०१, प्रेमबहादुर शाहीले ९०, पदमबहादुर मल्लले ८० र सुदिप सेढाईले ७१ मत पाएका छन् ।

महाधिवेशन प्रतिनिधि (खुल्ला) तर्फ कपिलदेव शर्मा, बादशाह कुर्मी, लक्ष्मीनारायण शाह, मेघराज ओली, कृष्णबहादुर बिक रसाइली, टेकबहादुर खड्का, देवबहादुर खत्री, प्रकाशबहादुर शाही, भावना चौधरी र रामेश्वर कँडेल निर्वाचित भएका छन् । खुला महिला महाधिवेशन प्रतिनिधिमा उमाकुमारी थापा, निनुमाया कुँवर, झुपकली मगर र कमला हमाल निर्वाचित भएका छन् । दुखीराम लोनिया (मधेसी), जगदिश प्रसाद हरिजन (दलित), चन्तराम थारु(थारु) पनि महाधिवेशन प्रतिनिधिमा निर्वाचित भएका छन् ।

प्रकाशित मिति: शुक्रबार, मंसिर १०, २०७८ ०८:४९

प्रतिक्रिया दिनुहोस्