बाँके कांग्रेसको सभापति लड्ने बादशाह कुर्मीको घोषणा

राजनीति

गृहपृष्ठ
राजनीति
बाँके कांग्रेसको सभापति लड्ने बादशाह कुर्मीको घोषणा

बाँके कांग्रेसको सभापति लड्ने बादशाह कुर्मीको घोषणा

शुक्रबार, मंसिर १०, २०७८ बागेश्वरी पोस्ट

नेपालगञ्ज । कांग्रेस नेता बादशाह कुर्मीले बाँके कांग्रेसको सभापति पदमा उम्मेदवारी घोषणा गरेका छन् । सर्वाधिक लोकप्रिय मतका साथ महाधिवेशन प्रतिनिधि निर्वाचित भएपछि कुमीले आज पत्रकार सम्मेलन गरेर उम्मेदवारी घोषणा गरेका हुन् ।

उनी संघीय निर्वाचन क्षेत्र नम्बर ३ बाट महाविधेशन प्रतिनिधि निर्वाचित भएका हुन् । दुई पटक संविधानसभा सदस्य बनेका कुर्मी संस्थापन पक्षका नेता हुन् । विगतमा पूर्व सभापति एवम् पूर्व प्रधानमन्त्री सुशील कोइराला निकट उनी कोइरालाको निधनपछि भने सभापति एवम् प्रधानमन्त्री शेरबहादुर देउबातिर लागेका थिए । २०६४ र २०७० मा समानुपातिक तर्फका संविधानसभा सदस्य उनी २०७४ को आम निर्वाचनमा भने बाँके क्षेत्र नम्बर ३ बाट पराजित भएका हुन् ।

यो पटक संस्थापनबाट आफू नै सभापतिको उम्मेदवार हुने उनले बताए । कांग्रेसको संगठन सुदृढीकरण गर्दै आगामी चुनावहरुमा पार्टीलाई जिताउने भूमिकाका लागि आफू जिल्ला नेतृत्वमा आउन चाहेको कुर्मीले बताए । उनले उम्मेदवारी घोषणा गरेपनि संस्थापन समूहबाट लुम्बिनी प्रदेशसभाका वन वातावरण तथा भूसंरक्षण मन्त्री सुरेन्द्र बहादुर हमाल, नेताहरु निरन्जनसिंह सिजापति, राजकुमार बर्मा र लक्ष्मीनारायण शाहको पनि चर्चा छ ।

संस्थापन इतरबाट भने नारायण प्रसाद गौडेल उम्मेदवार बन्ने सम्भावना छ ।

प्रकाशित मिति: शुक्रबार, मंसिर १०, २०७८ १८:२४

प्रतिक्रिया दिनुहोस्