राजनीतिमा अगाडि बढ्दै गरेका धनीराम सहसचिव निर्वाचित

राजनीति

गृहपृष्ठ
राजनीति
राजनीतिमा अगाडि बढ्दै गरेका धनीराम सहसचिव निर्वाचित

राजनीतिमा अगाडि बढ्दै गरेका धनीराम सहसचिव निर्वाचित

शनिबार, मंसिर ११, २०७८ बागेश्वरी पोस्ट

बर्दिया । नेपाली कांग्रेस बर्दिया संघीय निर्वाचन क्षेत्र नम्बर २ को सहसचिवमा धनीराम गिरी निर्वाचित भएका छन् । उनी ५ सय ४६ मतका साथ निर्वाचित भएका हुन् । यहाँ ८ सय ३३ मत खसेको थियो ।

बर्दियाको राजापुर नगरपालिका वडा नम्बर ५ भौराका गिरी अहिले सक्रिय राजनीतिमा छन् । केही समय गैरसरकारी संस्थामा काम गरेका गिरी पछिल्लो समय भने पूर्णकालीन राजनीतिमा होमिएका छन् ।

आफ्नो राजनीतिक यात्राको सुरुवात भने कक्षा ९ देखि नै भएको गिरी बताउँछन् । सानै देखि टाँठो स्वभावका गिरी युवा अवस्थामा झनै सक्रिय हुन पुगे । निरन्तर ३५ बर्षदेखि पार्टीमा गरेको योगदान नै जितको आधार बनेको गिरीको बुझाई छ ।

शुक्रबार बर्दियाको मधुवन नगरपालिका वडा नम्बर ४ ढोढरीको कबर्डहलमा भएको मतदानबाट सभापतिमा दिपकजंग शाह विजयी भएका छन् । सचिवमा गणेश प्रसाद आचार्य र छप्पुराम चौधरी तथा सहसचिवमा गिरीसंगै मिनबहादुर थापा पनि निर्वाचित भएका छन् ।

प्रकाशित मिति: शनिबार, मंसिर ११, २०७८ ०८:५८

प्रतिक्रिया दिनुहोस्