नवनिर्वाचित सभापति पोषण केसीद्वारा सबैलाई धन्यवाद ज्ञापन

राजनीति

गृहपृष्ठ
राजनीति
नवनिर्वाचित सभापति पोषण केसीद्वारा सबैलाई धन्यवाद ज्ञापन

नवनिर्वाचित सभापति पोषण केसीद्वारा सबैलाई धन्यवाद ज्ञापन

संगठन सुदृढीकरणमा एकताबद्ध भएर लाग्न आह्वान

शनिबार, मंसिर ११, २०७८ बागेश्वरी पोस्ट

नेपालगन्ज । नेपाली कांग्रेस बाँके संघीय निर्वाचन क्षेत्र नम्बर १ को क्षेत्रीय सभापतिमा आफू निर्बाचित भएपछि पोषण केसीले सबै क्षेत्रीय प्रतिनिधिहरुलाई धन्यवाद ज्ञापन गरेका छन् ।

सभापति केसीले आफूलाई ठूलो विश्वासका साथ निर्वाचित गरी गहन जिम्मेवारी सुम्पिएको भन्दै सबै क्षेत्रीय प्रतिनिधिहरुलाई हार्दिक आभार र कृतज्ञता प्रकट गर्दै धन्यवाद ज्ञापन गरेका हुन् । पार्टीभित्रको आन्तरिक प्रतिष्पर्धामा हार जीत स्वभाविक भएकाले आन्तरिक लोकतन्त्रको सुदृढीकरणका लागि निर्वाचनलाई स्वभाविक प्रक्रिया ठानेर सबै कांग्रेसजन अझ सुदृढ र सबल कांग्रेस बनाउनतर्फ लाग्नुपर्ने सभापति केसीले बताएका छन् ।

सुदृढ र संगठित कांग्रेसभित्र मात्रै सबै कांग्रेसीको भविष्य सुरक्षित हुने तथ्यलाई हृदयंगम गर्न आग्रह गर्दै अब सबै नेता, कार्यकर्ता र शुभेच्छुकहरुलाई एकतावद्ध भई लाग्न सभापति केसीले आह्वान गरेका छन् । आन्तरिक प्रतिष्पर्धामा जीत हार हुने पक्कै भएको भन्दै सबैले सबैलाई जित्ने कांग्रेस बनाउनुपर्ने सभापति केसीले बताएका छन् ।

शुक्रबार भएको बाँके निर्बाचन क्षेत्र नम्बर १ को सभापतिको मतगणनामा केसीले माधवराम खत्रीलाई ४७ मतले पराजित गरेका हुन् । कुल ६०१ मत मध्ये नवनिर्बाचित सभापति केसीले ३१६ र खत्रीले २६९ मत ल्याएका थिए । खत्री निबर्तमान सभापति हुन् ।

प्रकाशित मिति: शनिबार, मंसिर ११, २०७८ २०:५४

प्रतिक्रिया दिनुहोस्