कांग्रेस बाँकेको जिल्ला अधिवेशन मंसिर १४ मा, १३ गते मनोनयन

राजनीति

गृहपृष्ठ
राजनीति
कांग्रेस बाँकेको जिल्ला अधिवेशन मंसिर १४ मा, १३ गते मनोनयन

कांग्रेस बाँकेको जिल्ला अधिवेशन मंसिर १४ मा, १३ गते मनोनयन

शनिबार, मंसिर ११, २०७८ बागेश्वरी पोस्ट

नेपालगञ्ज । नेपाली कांग्रेसको १४औं महाधिवेशन, जिल्ला निर्वाचन परिचालन समिति बाँकेको बैठक आज सम्पन्न भएको छ । समितिका संयोजक एवम् जिल्ला निर्वाचन अधिकृत वरिष्ठ अधिवक्ता रेवतीरमण भट्टराईको अध्यक्षतामा सम्पन्न बैठकले नेपाली कांग्रेस बाँकेको जिल्ला निर्वाचनका विषयमा विभिन्न निर्णय गरेको छ ।

बैठकले भोली जिल्ला निर्वाचन कार्यक्रम प्रारम्भ गर्ने निर्णय गरेको सहायक निर्वाचन अधिकृत अधिवक्ता चित्रबहादुर शाहीले जानकारी दिए । उक्त बैठकको निर्णय अनुसार भोली दिउँसो २ बजे मतदाता नामावली प्रकाशन र उम्मेदवारी फाराम वितरण कार्य सुरु गरिने उनले बताए । मतदाता नामावली प्रकाशन र उम्मेदवारी फाराम नेपाली कांग्रेस बाँकेको कार्यालय नेपालगन्जमा गरिनेछ ।

सोमबार १४ गते बिहान ९ बजेदेखि दिउँसो २ बजेसम्म उम्मेदवारी मनोनयन दर्तासहित सोही दिन बेलुकासम्म उम्मेदवारको अन्तिम नामावली प्रकाशन गरिनेछ । उम्मेदवारी मनोनयन सहितको निर्वाचन कार्यक्रम भने जिल्ला समन्वय समिति बाँकेमा गर्ने निर्वाचन परिचालन समितिले निर्णय गरेको छ । निर्वाचन कार्यक्रम अन्तर्गत् मंसिर १४ गते मंगलबार बिहान ९ बजेदेखि दिउँसो ३ बजेसम्म मतदान सम्पन्न गरिनेछ । भोलीसम्म मतदान स्थल तय गरिसक्ने निर्णय बैठकले गरेको सहायक निर्वाचन अधिकृत शाहीले बताए ।

प्रकाशित मिति: शनिबार, मंसिर ११, २०७८ २१:२५

प्रतिक्रिया दिनुहोस्