कांग्रेस दाङको सभापति चुन्न आज फेरि निर्वाचन, दुई डाँगीको प्रतिष्पर्धा

राजनीति

गृहपृष्ठ
राजनीति
कांग्रेस दाङको सभापति चुन्न आज फेरि निर्वाचन, दुई डाँगीको प्रतिष्पर्धा

कांग्रेस दाङको सभापति चुन्न आज फेरि निर्वाचन, दुई डाँगीको प्रतिष्पर्धा

आइतबार, मंसिर १२, २०७८ बागेश्वरी पोस्ट

नेपालगञ्ज । नेपाली कांग्रेस दाङको सभापति चुन्न आज फेरि मतदान हुने भएको छ । हिजो भएको निर्वाचनबाट सभापतिका उम्मेदवार मध्ये कसैले पनि ५१ प्रतिशत मत पाउन नसकेपछि सर्वाधिक बढी मत ल्याउने दुई उम्मेदवारबीच आज फेरि प्रतिष्पर्धा हुनेछ ।

संस्थापन इतरका शंकर प्रसाद डाँगी र संस्थापन समूहका भूपबहादुर डाँगीबीच आज फेरि निर्वाचन हुने भएको हो । पहिलो चरणको निर्वाचनमा शंकरले ७७६ र भूपबहादुरले ५४६ मत पाएका छन् । सभापतिका अर्का प्रत्यासी जानकीलाल बस्नेतले ४७१ र कमल किशोर घिमिरेले ३१५ मत पाएका थिए । घिमिरेले दोस्रो चरणमा आफ्नो समर्थन शंकरलाई रहने बताइसकेका छन् भने बस्नेत केही बोलेका छैनन् । आज विहान ९ बजे फेरि मतदान हुनेछ । उपसभापतिमा भने गिरीराज सुवेदी (९१३) र कमानसिंह भारती (८६६) निर्वाचित भएका छन् । सुवेदी संस्थापन इतर र भारती संस्थापन समूहका हुन् ।

सचिवमा अर्जुनकुमार योगी (११५७) र बालिका लम्साल (१००५) निर्वाचित भएका छन् । योगी संस्थापन इतर र लम्साल संस्थापन समूहका हुन् । त्यस्तै सहसचिवमा राजु आचार्य (१०५२) र सुवोध कुमार डाँगी (१०३४) विजयी भएका छन् । आचार्य संस्थापन इतर र डाँगी संस्थापन समूहका हुन् । संस्थापन इतर समूहलाई कांग्रेस केन्द्रिय सदस्य सदस्य एवम् पूर्व मन्त्री दिपक गिरीको समर्थन छ ।

प्रकाशित मिति: आइतबार, मंसिर १२, २०७८ ०७:२९

प्रतिक्रिया दिनुहोस्