नेपाली कांग्रेस दाङको सभापतिमा शंकर डाँगी निर्वाचित

राजनीति

गृहपृष्ठ
राजनीति
नेपाली कांग्रेस दाङको सभापतिमा शंकर डाँगी निर्वाचित

नेपाली कांग्रेस दाङको सभापतिमा शंकर डाँगी निर्वाचित

आइतबार, मंसिर १२, २०७८ बागेश्वरी पोस्ट

दाङ । नेपाली कांग्रेस दाङको सभापतिमा शंकर प्रसाद डाँगी निर्वाचित भएका छन् । हिजो भएको निर्वाचनबाट कसैको पनि ५१ प्रतिशत मत नआएपछि बढी मत ल्याउने दुई जना बीच आज पुनः दोस्रो चरणको निर्वाचन गराउने कार्यक्रम थियो । तर, सर्वाधिक मत ल्याउने शंकर प्रसाद डाँगीलाई दोस्रो बढी मत ल्याएका भूपबहादुर डाँगीले समर्थन गरेपछि शंकर सर्वसम्मत सभापति चुनिएका छन् ।

यसअघिको कार्यसमितिमा उनी सचिव थिए । विद्यार्थी राजनीतिबाट उदाएका शंकर महेन्द्र बहुमुखी क्याम्पस दाङका स्ववियु सभापति पनि भए । उनी पश्चिम दाङको शान्तिनगर गाउँपालिका बाघमारेका हुन् । शंकर केन्द्रिय सदस्य एवम् पूर्व मन्त्री दिपक गिरी निकट हुन् भने भूपबहादुर राजु खनाल निकट छन् । सभापतिमा शंकर, भूपबहादुर, जानकीलाल बस्नेत र कमलकिशोर घिमिरेले प्रतिष्पर्धा गरेका थिए । शंकरले ७७६, भुपबहादुरले ५४६, जानकीलाल ४७१ र कमलकिशोरले ३१५ मत पाएका थिए । उपसभापतिमा भने गिरीराज सुवेदी (९१३) र कमानसिंह भारती (८६६) निर्वाचित भएका छन् । सुवेदी संस्थापन इतर र भारती संस्थापन समूहका हुन् ।

सचिवमा अर्जुनकुमार योगी (११५७) र बालिका लम्साल (१००५) निर्वाचित भएका छन् । योगी संस्थापन इतर र लम्साल संस्थापन समूहका हुन् । त्यस्तै सहसचिवमा राजु आचार्य (१०५२) र सुवोध कुमार डाँगी (१०३४) विजयी भएका छन् । आचार्य संस्थापन इतर र डाँगी संस्थापन समूहका हुन् ।

प्रकाशित मिति: आइतबार, मंसिर १२, २०७८ १२:१०

प्रतिक्रिया दिनुहोस्