ईश्वर पोखरेल र शंकर पोखरेलसहित एमालेमा पाँच पदाधिकारी निर्विरोध

राजनीति

गृहपृष्ठ
राजनीति
ईश्वर पोखरेल र शंकर पोखरेलसहित एमालेमा पाँच पदाधिकारी निर्विरोध

ईश्वर पोखरेल र शंकर पोखरेलसहित एमालेमा पाँच पदाधिकारी निर्विरोध

सोमबार, मंसिर १३, २०७८ बागेश्वरी पोस्ट

नेपालगञ्ज । नेकपा एमालेको वरिष्ठ उपाध्यक्षमा ईश्वर पोखरेलसहित पाँच जना पदाधिकारीहरु निर्विरोध निर्वाचित भएका छन् । उनीहरुको औपचारिक घोषणा हुन भने बाँकी छ । वरिष्ठ उपध्यक्ष अन्य कसैको उम्मेदवारी नपरेपछि पोखरेल निर्विरोध निर्वाचित हुने भएका हुन् ।

महासचिव पदमा पनि अरु कसैको उम्मेदवारी नपरेपछि शंकर पोखरेल निर्विरोध हुने निश्चित भएको केन्द्रीय निर्वाचन आयोगका एक सदस्यले जानकारी दिए । त्यस्तै, तीन सिट रहेको उपमहासचिव पदमा प्रदीप ज्ञवाली, पृथ्वी सुब्बा गुरुङ र विष्णु रिमाल पनि निर्विरोध निर्वाचित हुने भएका छन् ।

अध्यक्ष पदमा केपी ओली र भीम रावलको उम्मेदवारी परेको छ भने ६ जना उपाध्यक्षमा ७ जनाको उम्मेदवारी परेको छ । उपाध्यक्षमा युवराज ज्ञवाली, अष्टलक्ष्मी शाक्य, विष्णु पौडेल, सुवास नेम्बाङ, रामबहादुर थापा, घनश्याम भुषाल र सुरेन्द्र पाण्डेको उम्मेदवारी परेको छ । त्यस्तै, ७ सचिवमा ९ जनाको उम्मेदवारी परेको छ । केपी ओलीले प्रस्ताव गरेका ६ उपाध्यक्षमा घनश्याम भुसालले समेत उम्मेदवारी दिएपछि निर्वाचनमा जानुपर्ने भएको छ ।

त्यसैगरी ओलीद्वारा प्रस्तावित सात सचिव योेगेश भट्टराई, छविलाल विश्वकर्मा, गोकर्ण विष्ट, रघुविर महासेठ, टोपबहादुर रायमाझी, लेखराज भट्ट र पद्मा अर्यालसँगै भीम आचार्य र टंक कार्कीको समेत उम्मेदवारी परेपछि सचिवमा समेत चुनाव हुने भएको हो ।

केन्द्रीय निर्वाचन आयोगका सदस्य बाबुराम दाहालका अनुसार समावेशी क्लस्टरका केन्द्रीय सदस्यहरुमा उम्मेदवारी परेकाले केन्द्रीय सदस्यमा समेत मतदान हुने सम्भावना छ । ‘कति उम्मेदवारी पर्यो भन्ने हामी हिसाब गरिरहेका छौँ,’ उनले भने ।

प्रकाशित मिति: सोमबार, मंसिर १३, २०७८ ११:२६

प्रतिक्रिया दिनुहोस्