पशुपति शम्शेर जबराले गरे कमल थापालाई समर्थन

राजनीति

गृहपृष्ठ
राजनीति
पशुपति शम्शेर जबराले गरे कमल थापालाई समर्थन

पशुपति शम्शेर जबराले गरे कमल थापालाई समर्थन

सोमबार, मंसिर १३, २०७८ बागेश्वरी पोस्ट

नेपालगन्ज । राष्ट्रिय प्रजातन्त्र पार्टी (राप्रपा) का अध्यक्ष कमल थापाले आज भृकुटीमण्डप स्थित राष्ट्रिय सभा हलमा अध्यक्ष पदको उम्मेदवारी घोषणा गरेका छन् ।

औपचारिक घोषणा सभा कार्यक्रममा अर्का अध्यक्ष पशुपतिशमशेर राणाले कमल थापालाई समर्थन गरेका छन् । जबरा पक्षका नेता ध्रुवबहादुर प्रधान, धर्मराज जोशी, जितबहादुर शाही, जयन्त चन्द लगायतका नेताहरु सहभागी भए ।

प्रधानले अध्यक्ष जबराको समर्थन कमल थापालाई रहेको जानकारी दिए । उनी थापाको समूहबाट उपाध्यक्षमा उम्मेदवारी दिने तयारीमा छन् ।जबरा समूहका नेता भुवन पाठक थापाकै समूहबाट महामन्त्रीको उम्मेदवारी दिने घोषणा गरिसकेका छन् ।

थापाको उम्मेद्वारी घोषणा सभामा जबरा उपस्थित नभएपनि उनी पक्षका नेताहरु भने सहभागी थिए। जबराले पनि पार्टी एकताको लागि उम्मेद्वारी नदिएर आफूलाई सहयोग गर्ने थापाले बताए ।

‘पार्टीलाई एकताबद्ध गर्न मलाई साथ हुने बताउनु भएको छ, ’ उनले भने । वरिष्ठ सबै नेताको आफूलाई साथ रहेको बताएपनि दुबै नेता उनको घोषणा सभामा उपस्थित थिएनन् । राणाको समर्थन भएसङ्गै कमल थापाले जित्ने सुनिश्चित देखिएको छ।

प्रकाशित मिति: सोमबार, मंसिर १३, २०७८ २१:४५

प्रतिक्रिया दिनुहोस्