बर्दिया कांग्रेस सभापतिमा संस्थापनका राठौर निर्वाचित

राजनीति

गृहपृष्ठ
राजनीति
बर्दिया कांग्रेस सभापतिमा संस्थापनका राठौर निर्वाचित

बर्दिया कांग्रेस सभापतिमा संस्थापनका राठौर निर्वाचित

मंगलबार, मंसिर १४, २०७८ बागेश्वरी पोस्ट

नेपालगञ्ज । नेपाली कांग्रेस बर्दियाको सभापतिमा अरुण प्रकाश सिंह राठौर निर्वाचित भएका छन् ।

प्रतिद्वन्दी भुवनेश्वर चौधरीलाई १९२ मतान्तरले पराजित गर्दै राठौर सभापतिमा निर्वाचित भएका हुन् । राठौरले ८७० मत र चौधरीले ६७८ मत पाए । बर्दियामा १५ सय ७८ मत खसेको थियो । सभापतिसहित सबैमा राठौरकै प्यानल विजयी भएको छ ।

उपसभापतिमा सोदे विष्ट र गोविन्द प्रसाद थारु, सचिव मिनराज चौधरी र जग्गा प्रसाद पाण्डे तथा सहसचिवमा तिलकराम लम्साल र मेक बहादुर गुरुङ निर्वाचित भएका छन् । राठौर संस्थापन समूहका हुन् । संस्थापन इतरका चौधरी लुम्बिनी प्रदेशका सांसद हुन् । उनी सञ्जय गौतम निकट छन् ।

प्रकाशित मिति: मंगलबार, मंसिर १४, २०७८ १०:३२

प्रतिक्रिया दिनुहोस्