एमाले अध्यक्षमा केपी ओली भारी मतसहित विजयी

राजनीति

गृहपृष्ठ
राजनीति
एमाले अध्यक्षमा केपी ओली भारी मतसहित विजयी

एमाले अध्यक्षमा केपी ओली भारी मतसहित विजयी

मंगलबार, मंसिर १४, २०७८ बागेश्वरी पोस्ट

नेपालगञ्ज । नेकपा एमालको अध्यक्षमा केपी शर्मा ओली विजयी भएका छन् । भीम रावललाई ठूलो मतान्तरले पराजित गर्दै ओली दोस्रो पटक एमालेको अध्यक्ष बनेका हुन् । उनी नवौं महाविधेशनमा पनि माधव नेपाललाई हराउँदै अध्यक्षमा निर्वाचित भएका थिए ।

चितवनको सौराहामा जारी १०औं महाधिवेशनमा ओलीले १८३७ मत पाउँदा रावललाई भने २२३ मत मात्रै आयो । अध्यक्षमा ओलीविरुद्ध रावलले उम्मेदवारी दिने अडान लिएपछि सर्वसम्मत नेतृत्व चयन गर्ने महाधिवेशनको प्रयास असफल भएको थियो ।

अध्यक्षसहित, उपाध्यक्ष, सचिव र सर्वसम्मत हुन नसकेको केन्द्रिय सदस्यमा पनि मतदान भएको थियो । अन्य पदको परिणाम भने आउन बाँकी छ । अहिले मतगणना भइरहेको छ । सौराहास्थित होटल सेभेन स्टारमा भएको मतदानमा २ हजार १ सय ५३ जना महाधिवेशन प्रतिनिधि मध्ये २ हजार ९६ जनाले मत हालेका थिए ।

प्रकाशित मिति: मंगलबार, मंसिर १४, २०७८ १५:४५

प्रतिक्रिया दिनुहोस्