कर्णालीका मुख्यमन्त्री शाहीले पाए विश्वासको मत

राजनीति

गृहपृष्ठ
राजनीति
कर्णालीका मुख्यमन्त्री शाहीले पाए विश्वासको मत

कर्णालीका मुख्यमन्त्री शाहीले पाए विश्वासको मत

बुधबार, मंसिर १५, २०७८ बागेश्वरी पोस्ट

नेपालगन्ज । कर्णाली प्रदेशका मुख्यमन्त्री जीवनबहादुर शाहीले आज विश्वासको मत पाएका छन् । आज बसेको प्रदेश सभा बैठकमा उनको पक्षमा २२ मत र विपक्षमा शून्य मत परेको सभामुख राजबहादुर शाहीले घोषणा गरेका हुन् ।

अहिले प्रदेश सभामा सभामुखसहित ३५ जना सांसद संख्या छ । तर बुधबारको बैठकमा २२ जना सांसद उपस्थित थिए। उपस्थित भएका २२ जनाले नै विश्वासको मतको पक्षमा मतदान गरेका छन् । मुख्यमन्त्री शाहीलाई कांग्रेसका ६, माओवादीका १२, समाजवादीका ३ र राप्रपाका १ जना सांसद गरी २२ जना सांसदले मत दिएका हुन् ।

गएको कार्तिक १६ गते मुख्यमन्त्री नियुक्त भएका शाहीले १ महिनाभित्र विश्वासको मत लिनैपर्ने प्रावधान अनुसार मंगलबार विश्वासको मत मागेका थिए । तत्कालीन प्रदेश प्रमुख गोविन्द्रप्रसाद कलौनीले शाहीलाई संविधानको धारा १६८ (५) अनुसार मुख्यमन्त्रीमा नियुक्त गरेका थिए ।

कर्णाली प्रदेश सभामा एमालेका सभामुखसहित १३, माओवादीका १२, नेपाली कांग्रेसका ६, समाजवादीका तीन र राप्रपाका एक जना सांसद छन् । एमाले बाहेकका अन्य सबै दलले विश्वासको मत पाउँ भनी मुख्यमन्त्री शाहीले पेश गरेको प्रस्तावको पक्षमा मतदान गरेका थिए । प्रमुख प्रतिपक्षी दल नेकपा एमालेका सांसद महाधिवेशनका कारण जिल्ला बाहिर रहेकाले अनुपस्थित भएपछि विपक्षमा भने मत नै परेन ।

प्रकाशित मिति: बुधबार, मंसिर १५, २०७८ १६:५७

प्रतिक्रिया दिनुहोस्