लुुम्बिनीमा संस्थापन इतरले टुंग्यायो पदाधिकारी उम्मेदवार

राजनीति

गृहपृष्ठ
राजनीति
लुुम्बिनीमा संस्थापन इतरले टुंग्यायो पदाधिकारी उम्मेदवार

लुुम्बिनीमा संस्थापन इतरले टुंग्यायो पदाधिकारी उम्मेदवार

बिहीबार, मंसिर १६, २०७८ बागेश्वरी पोस्ट

नेपालगञ्ज । नेपाली कांग्रेस लुम्बिनी प्रदेश कमिटीका लागि संस्थापन इतर समूहले पदाधिकारीका उम्मेदवारहरुको टुंगो लगाएको छ । केन्द्रिय सदस्य एवम् पूर्व मन्त्री दिपक गिरी र केन्द्रिय सदस्य चन्द्र भण्डारीले उम्मेदवारको टुंगो लगाउने जिम्मेवारी पाएका छन् । सदस्यका उम्मेदवारहरुको भने टुंगो लाग्न बाँकी छ ।

सभापतिमा रोल्पाका निवर्तमान सभापति एवम् पूर्व राज्यमन्त्री अमरसिंह पुन, उपसभापतिमा गुल्मीका भुवनप्रसाद श्रेष्ठ र प्रदेशसभा सांसद रुपन्देहीका अष्टभुजा पाठक उम्मेवार बन्ने भएका छन् । यस्तै महामन्त्रीमा नवलपरासीका संविधानसभा सदस्य विक्रम खनाल र कपिलबस्तुका पूर्व सभापति तथा पूर्व राज्यमन्त्री सुरेन्द्रराज आचार्य उम्मेदवार हुने तय भएको कांग्रेस नेता एवम् लुम्बिनी प्रदेशसभाका सांसद शंकर गिरीले जानकारी दिए ।

एक महिलासहित ३ जना सहमहामन्त्रीमा अर्घाखाँचीका निवर्तमान सभापति विष्णु मुस्कान र दाङका पूर्व क्षेत्रीय सभापति खगराज पाण्डे तथा महिला सहमहामन्त्रीमा प्यूठानकी निमा गिरी उम्मेदवार हुनेछन् । गिरी नेपाल विद्यार्थी संघबाट पार्टी राजनीतिमा आएकी हुन् । उनी अधिवक्ता पनि हुन् ।

प्रदेशमा शुक्रबार मनोनयन हुनेछ । शनिवार मतदान राखिएको छ । संस्थापन समूहबाट भने सभापतिमा रुपन्देहीका सांसद सार्वजनिक लेखा समितिका सभापति भरत कुमार शाह उम्मेदवार हुने टुंगो लागेपनि अन्यको टुंगिएको छैन ।

प्रकाशित मिति: बिहीबार, मंसिर १६, २०७८ १०:३३

प्रतिक्रिया दिनुहोस्