नेविसंघबाट उदाएकी निमा लुम्बिनी कांग्रेसको सहमहामन्त्री उम्मेदवार

राजनीति

गृहपृष्ठ
राजनीति
नेविसंघबाट उदाएकी निमा लुम्बिनी कांग्रेसको सहमहामन्त्री उम्मेदवार

नेविसंघबाट उदाएकी निमा लुम्बिनी कांग्रेसको सहमहामन्त्री उम्मेदवार

बिहीबार, मंसिर १६, २०७८ बागेश्वरी पोस्ट

नेपालगञ्ज । नेपाली कांग्रेस लुम्बिनी प्रदेश कमिटीका लागि महिला सहमहामन्त्रीकी उम्मेदवार निमा गिरी नेपाल विद्यार्थी संघबाट कांग्रेस राजनीतिमा उदाएकी हुन् । प्युठानकी गिरी लगातार तीन पटक नेपाली कांग्रेसको महासमिति सदस्यमा निर्वाचित युवा नेतृ हुन् । केन्द्रिय सदस्यमा उम्मेदवार घोषणा गरिसकेकी गिरीलाई टिमले सहमहामन्त्रीको टिकट दिएको हो ।

२०६२–६३ को आन्दोलनदेखि राजनीतिमा होमिएकी गिरी त्रिभुवन विश्वविद्यालयको नेविसंघ उपाध्यक्ष पनि भइन् । हाल उनी नेपाल महिला संघ प्यूठानकी सचिव छिन् । गिरीले ‘नेपाली कांग्रेस र महिला आन्दोलन’ तथा ‘स्थानीय तह र नेपाली कांग्रेस’ नामक दुई वटा किताव पनि लेखेकी छिन् । अधिवक्ता समेत रहेकी गिरीले प्यूठानमा गरिब तथा असहायहरुको लागि निःशुल्क कानुनी परामर्श दिनुका साथै उनीहरुको पक्षमा मुद्दा पनि लड्ने गरेकी छिन् ।

गिरीले आफ्नो पहिलो एजेण्डा कांग्रेसभित्र पुस्तान्तरण मात्र होइन रुपान्तरण पनि हुनुपर्छ भन्ने रहेको बताइन् । उनले भनिन्, "महिलाहरुको उपस्थितिको सवालमा उपस्थिति मात्र होइन निर्णायक हुनुपर्छ । निर्णय गर्ने ठाउँमा महिला पुग्नुपर्छ भन्ने मेरो एजेण्डा हो ।" उनले थपिन्, "कांग्रेसभित्र महिलाको सहभागिता महत्वपूर्ण हुनुपर्छ भन्ने मेरो कुरा हो ।"

गिरीले भन्ने गरेकी छिन्-"नेपाली काङ्ग्रेस इतिहासलाई सिरानी हालेर मात्र बस्दैनौं, अब परिबर्तनको बेगलाई ठम्याई योग्यता, दक्षता र कुशल नेतृत्वलाई उत्प्रेरित गर्दै पार्टीमा रुपान्तरण चाहान्छौ, अब त्यो समय आएको छ, पार्टीलाई दिशा निर्देश गर्ने अवसर खेर जान दिने छैनौं ।"

प्रकाशित मिति: बिहीबार, मंसिर १६, २०७८ १०:४६

प्रतिक्रिया दिनुहोस्