राप्रपामा लिङदेनलाई जिताउन मुस्लिम नेता बेहना र खाँ गए पशुपतिनाथ मन्दिरमा

राजनीति

गृहपृष्ठ
राजनीति
राप्रपामा लिङदेनलाई जिताउन मुस्लिम नेता बेहना र खाँ गए पशुपतिनाथ मन्दिरमा

राप्रपामा लिङदेनलाई जिताउन मुस्लिम नेता बेहना र खाँ गए पशुपतिनाथ मन्दिरमा

बिहीबार, मंसिर १६, २०७८ बागेश्वरी पोस्ट

नेपालगन्ज । राप्रपा महाधिवेशनमा केन्द्रीय अध्यक्ष पदमा भोलि कमल थापा र राजेन्द्र लिङ्देनको भिडन्त हुदैछ । अहिले पार्टीका ६० प्रतीशत युवायुवतीहरु नयाँ अनुहारको खोजीमा छन् । भन्नुको तात्पर्य पुरानालाई बिदा र नयाँ अनुहारलाई स्वागत । हो, राप्रपामा अहिले कमल थापालाई विदाई गरेर राजेन्द्र लिङदेनलाई केन्द्रीय अध्यक्ष बनौंऔ भन्ने नारा देशभर गुन्जिएको छ।

देशभरका युवा नेताहरुले कमल थापालाई चाँडै बिदाई गरौ भन्दै गर्दा राप्रपाका युवा नेता बाँके राप्रपा बाँके क्षेत्र नम्बर २ ख प्रदेश अध्यक्ष एबम नेपालगन्ज उपमहानगरपालिका ४ का वडा अध्यक्ष मो. सफिक बेहनाले पनि लिङदेनलाई अध्यक्ष पदम आफ्नो साथ रहेको बताएका छन्। नेता बेहनाले पुराना नेता थापालाई बाईबाई र अबको अध्यक्ष पदमा लिङदेनलाई विजयी गराउन पशुपतिनाथ मन्दिर गएर पुजा अर्चना समेत गरेका छन् ।

मुस्लिम समुदायका नेता बेहनाले आज पशुपतिनाथ मन्दिर गएर अबको अध्यक्षमा लिङदेनलाई विजयी गराइदिन भन्दै पुजा अर्चना समेत गरेका छन् ।

नेता बेहनासँगै राप्रपा बाँकेका युवा नेता चाद खाँ र सुधीर शुल्ला समेत पशुपतिनाथ मन्दिर गएर अध्यक्षमा लिङदेनलाई विजयी गराईदिन भन्दै पुजा गरेका हुन् ।

बाँके राप्रपाका ती तीन हस्तीले अब सबै पार्टीमा नयाँ पुस्ताको आबश्यक रहेको समेत बताए। कांग्रेस,एमाले,माओवादी लगायत राप्रपामा अब युवा पुस्ता नै हुनुपर्ने बताए। लिङदेननै बहुमतले जित्ने हुँदा सबै युवा पुस्ताले अबको नयाँ अनुहार अध्यक्षमा लिङदेनलाई विजयी बनाउन अनुरोध गरेका छन् । नेता खाँ बाँके राप्रपाका बलिया खम्बा हुन् भने शुक्ला बाँके खजुराका प्रभावशाली नेता हुन् ।

प्रकाशित मिति: बिहीबार, मंसिर १६, २०७८ २२:२०

प्रतिक्रिया दिनुहोस्