आयो लुम्बिनीका उम्मेदवारहरुको अन्तिम नामावली

राजनीति

गृहपृष्ठ
राजनीति
आयो लुम्बिनीका उम्मेदवारहरुको अन्तिम नामावली

आयो लुम्बिनीका उम्मेदवारहरुको अन्तिम नामावली

शुक्रबार, मंसिर १७, २०७८ बागेश्वरी पोस्ट

भैरहवा । नेपाली कांग्रेस लुम्बिनी प्रदेश कमिटीका उम्मेदवारहरुको अन्तिम नामावली प्रकाशित गरिएको छ । ८ पदाधिकारीसहित ७७ सदस्यीय कार्यसमितिका लागि उम्मेदवारी दिएकाहरुको अन्तिम उम्मेदवारी सार्वजनिक भएको हो ।

८ पदाधिकारीका लागि १६ जनाको उम्मेदवारी परेको छ । नेपाली कांग्रेसको १४औं महाधिवेशन अन्तरगत विहिवारदेखि सुरु भएको प्रदेश अधिवेशनमा शुक्रवार मनोनयन दर्ता भएको हो । संस्थापन समूहबाट भरतकुमार शाह र संस्थापन इतरबाट अमरसिंह पुन नेतृत्वमा प्यानलगत उम्मेदवारी दर्ता भएको छ ।

१ सभापतिका लागि २ जना, २ उपसभापतिमा ४ जना, २ महामन्त्रीमा ५ जना र १ महिलासहित ३ सह-महामन्त्रीमा ६ जनाको उम्मेदवारी परेको छ । संस्थापनबाट सभापतिमा भरत शाह (रुपन्देही), उपसभापति राजु खनाल (दाङ), उपसभापति सुधाकर पाण्डे (कपिलवस्तु ), महामन्त्री जन्मजय तिमल्सिना (बर्दिया), महामन्त्री खिमानसिंह रायमाझी (प्युठान), सह-महामन्त्री लक्ष्मी नारायण शाह(बाँके), सह-महामन्त्री सरिता चौधरी (रुपन्देही) र सह-महामन्त्री: माया पुन (बाँके) ले उम्मेदवारी दर्ता गराएका छन् ।

संस्थापन इतरबाट सभापति अमरसिंह पुन(रोल्पा), उपसभापति भुवन श्रेष्ठ(गुल्मी), उपसभापति अष्टभुजा पाठक(रुपन्देही), महामन्त्री विक्रम खनाल(नवलपरासी), महामन्त्री सुरेन्द्रराज आचार्य(कपिलवस्तु), सहमहामन्त्री खगराज पाण्डे(दाङ), विष्णु मुस्कान(अर्घाखाँची) र निमा गिरी(प्युठान) ले उम्मेदवारी दिएका छन् । महामन्त्रीमा उम्मेदवारी दिएका ताराप्रसाद फुल्लेलले भने उम्मेदवारी फिर्ता लिएका छन् ।

लुम्बिनीमा १६ सय ४८ मतदाता छन् । शनिबार विहान ८.३० बजेदेखि दिउँसो ३ बजेसम्म मतदान हुनेछ ।
हेर्नुस् क-कसले कुन-कुन पदमा दिए उम्मेदवारी ?