राप्रपाको केन्द्रीय सदस्यमा बाँकेका देबकोटा निर्बाचित

राजनीति

गृहपृष्ठ
राजनीति
राप्रपाको केन्द्रीय सदस्यमा बाँकेका देबकोटा निर्बाचित

राप्रपाको केन्द्रीय सदस्यमा बाँकेका देबकोटा निर्बाचित

आइतबार, मंसिर १९, २०७८ बागेश्वरी पोस्ट

नबनिर्बाचित केन्द्रीय सदस्य ऋषिराज देबकोटा

नेपालगन्ज । राष्ट्रिय प्रजातन्त्र पार्टी (राप्रपा ) को केन्द्रीय महाधिवेशन अन्तर्गत गएराती सम्पन्न मतगणनामा केन्द्रीय सदस्यमा युवा नेता ऋषिराज देबकोटा निर्बाचित भएका छन् ।

राप्रपा अध्यक्ष पदमा निर्बाचित राजेन्द्र लिङदेन पक्षका बाँकेका देबकोटाले ११९९ भोट ल्याएर केन्द्रीय सदस्यमा विजयी भएका हुन् ।

युवा नेता देबकोटा क्षेत्रीय अध्यक्ष हुँदै बाँके जिल्ला अध्यक्ष समेत भइसकेका छन् । राप्रपाभित्र संगठन बलियो बनाउन युवाहरुको आबश्यकता रहेको बताउँदै आएका युवा नेता देबकोटा राप्रपाको युवक संगठनका केन्द्रीय उपाध्यक्ष समेत हुन् ।

लुम्बिनी प्रदेश अधिबेशनमा प्रदेश अध्यक्षमा समेत युवा नेता देबकोटाले उम्मेदवारी दिएका थिए । युवा नेता देबकोटाले आफू मात्र नभई अध्यक्षमा लिङ्देन र महामन्त्रीमा नेपालगन्ज उपमहानगरपालिकाका मेयर डा. धवल शम्शेर राणा लगायत प्यानलका अन्यलाई समेत विजयी बनाउन सफल भएका छन् ।

प्रकाशित मिति: आइतबार, मंसिर १९, २०७८ १३:२७

प्रतिक्रिया दिनुहोस्