कांग्रेस महाधिवेशनबाट १३४ जनाको केन्द्रिय समिति चुनिँदै

राजनीति

गृहपृष्ठ
राजनीति
कांग्रेस महाधिवेशनबाट १३४ जनाको केन्द्रिय समिति चुनिँदै

कांग्रेस महाधिवेशनबाट १३४ जनाको केन्द्रिय समिति चुनिँदै

मंगलबार, मंसिर २१, २०७८ बागेश्वरी पोस्ट

नेपालगञ्ज । नेपाली कांग्रेसको १४औं महाधिवेशन मंसिर २४ गतेदेखि काठमाण्डौमा शुरु हुँदैछ । महाधिवेशन संघारमै आएपछि धमाधम उम्मेदवारी घोषणा गर्ने क्रम बढेको छ । पार्टीको केन्द्रीय कार्यसमितिमा पुग्न नेताहरुले तयारी तीब्र बनाएका छन् । यो पटक केन्द्रीय कार्यसमितिको आकार बढाउँदै कोषाध्यक्ष बाहेक सबै निर्वाचित हुने व्यवस्थालाई अंगिकार गरिएको छ । काँग्रेसको केन्द्रीय कार्यसमिति एक सय ३४ सदस्यीय हुनेछ ।

काँग्रेसमा सभापति, उपसभापति दुई, महामन्त्री दुई, सहमहामन्त्री आठ (खस आर्य, जनजाति, महिला, मधेसी, मुस्लिम, थारु, दलित र पिछडिएको क्षेत्र) बाट एक एक जना गरी १३ जना निर्वाचन मार्फत् आउनेछन् । काँग्रेसले समावेशी सिद्धान्त अख्तियार गरेको छ । केन्द्रीय सदस्य खुलातर्फ ३५ जना निर्वाचनबाट आउनेछन् । १३औँ महाधिवेशनमा खुलातर्फ २५ जना निर्वाचनका माध्यमबाट आएका थिए । यसपटक १० जना थपिएको छ ।

सात प्रदेशबाट कम्तीमा ७ महिलासहित २१ जना, खुला महिलाबाट ९, खस आर्यबाट ६ महिलासहित १३, आदिवासी जनजातिबाट सात महिलासहित १५, मधेसीबाट चार महिलासहित ९, दलितबाट चार महिलासहित ९, थारुबाट दुई महिलासहित ४, मुस्लिमबाट एक महिलासहित ३, पिछडिएको क्षेत्रबाट १, अल्पसङ्ख्यकबाट १, अपाङ्गता भएकाबाट १ गरी १३४ जनाको निर्वाचन हुनेछ ।

केन्द्रीय सभापतिको हकमा १५ वर्ष क्रियाशील सदस्य भएको हुनुपर्ने र बाँकी पदाधिकारी र केन्द्रीय सदस्यको हकमा १० वर्ष क्रियाशील सदस्यता लिएको हुनुपर्नेछ ।

प्रकाशित मिति: मंगलबार, मंसिर २१, २०७८ १५:३६

प्रतिक्रिया दिनुहोस्