अमरेश कुमार सिंह महाधिवेशन प्रतिनिधिमा पराजित

राजनीति

गृहपृष्ठ
राजनीति
अमरेश कुमार सिंह महाधिवेशन प्रतिनिधिमा पराजित

अमरेश कुमार सिंह महाधिवेशन प्रतिनिधिमा पराजित

बुधबार, मंसिर २२, २०७८ बागेश्वरी पोस्ट

नेपालगन्ज । नेपाली कांग्रेसको १४औं महाधिवेशन अन्तर्गत सर्लाही निर्बाचन क्षेत्र नम्बर ४ को अधिबेशनमा कांग्रेसका प्रभाशाली नेता अमरेशकुमार सिंह महाधिवेशन प्रतिनिधिमा पराजित भएका छन् ।

सर्लाही ४ बाट प्रतिनिधिसभा सदस्य रहेका सिंह मंगलबार राति सम्पन्न सर्लाही ४ को क्षेत्रीय अधिवेशनमा महाधिवेशन प्रतिनिधिमा पराजित भएका हुन् ।

सिंह संस्थापन इतर समूहमा थिए । सो क्षेत्रमा वीरेन्द्र सिंहको प्यानल नै विजयी भएको छ । सिंह देउवा समूहका हुन् । सो क्षेत्रमा देउवा निकट प्यानल नै विजयी भएको छ ।

क्रियाशील सदस्यता विवाद र वडा अधिवेशनमा भएको विवादका कारण सर्लाहीमा ढिलागरी क्षेत्रीय अधिवेशन भएको हो । निर्वाचन समितिका अनुसार महाधिवेशन प्रतिनिधि विजयी हुनेमा प्रत्यक्ष खुलातर्फ वीरेन्द्रप्रसाद सिंह, सुरेन्द्रप्रसाद सिंह, कौशलकिशोर सिंह, राजेश्वरप्रसादसिंह, उपेन्द्र कुशवाहा, रघुवीर कार्की, दिनेशकुमार रायमाझी, केशवकुमार खड्का, अजितकुमार सिंह र शिवशंकर रिजाल रहेका छन् ।

प्रकाशित मिति: बुधबार, मंसिर २२, २०७८ १६:०५