आज कांग्रेस केन्द्रिय समितिको बैठक बस्दै, सहमहामन्त्री थपिन सक्ने

राजनीति

गृहपृष्ठ
राजनीति
आज कांग्रेस केन्द्रिय समितिको बैठक बस्दै, सहमहामन्त्री थपिन सक्ने

आज कांग्रेस केन्द्रिय समितिको बैठक बस्दै, सहमहामन्त्री थपिन सक्ने

बिहीबार, मंसिर २३, २०७८ बागेश्वरी पोस्ट

नेपालगन्ज । नेपाली कांग्रेसले पार्टीको १४औं महाधिवेशनको संघारमा केन्द्रीय कार्यसमितिको बैठक आह्वान गरेको छ ।

मुख्यसचिव कृष्णप्रसाद पौडेलका अनुसार पार्टी केन्द्रीय कार्यालय सानेपामा आज बिहान साढे ११ बजे केन्द्रीय समिति बैठक बस्नेछ । बैठक मुख्यगरी शुक्रबारदेखि काठमाडौंमा हुने पार्टीको महाधिवेशन तयारीबारे छलफलमा केन्द्रित रहने उनले बताए ।

कांग्रेसमा सहमहामन्त्री थप गर्नेबारे पनि आज छलफल हुन सक्ने एक नेता बताउँछन् । नेता व्यवस्थापनका लागि सहमहामन्त्री कम्तीमा दुई जना थप गर्नेबारे सभापति शेरबहादुर देउवा र वरिष्ठ नेता रामचन्द्र पौडेल पक्षका नेताहरूले माग गरिरहेका छन् ।

कांग्रेस विधान अनुसार आठ जना सहमहामन्त्री रहने व्यवस्था छ । तर, खुलातर्फ सहमहामन्त्री एक जना पनि नभएकोले कम्तीमा २ जना खुलातर्फ सहमहामन्त्री पद राखिनुपर्ने माग भइरहेको छ ।

प्रकाशित मिति: बिहीबार, मंसिर २३, २०७८ ०६:५६

प्रतिक्रिया दिनुहोस्