कांग्रेस सभापतिमा पाँच जना भिड्ने !

राजनीति

गृहपृष्ठ
राजनीति
कांग्रेस सभापतिमा पाँच जना भिड्ने !

कांग्रेस सभापतिमा पाँच जना भिड्ने !

शुक्रबार, मंसिर २४, २०७८ बागेश्वरी पोस्ट

काठमाण्डौ । नेपाली कांग्रेसको आजदेखि काठमाण्डौमा शुरु हने १४औं महाधिवेशनमा भोली उम्मेदवारी दर्ता गर्ने निर्वाचत कार्यक्रम छ । उम्मेदवारी दर्ता गर्ने समय सन्निकट हुँदा पनि संस्थापन र संस्थापन इतरले उम्मेदवार टुंग्याउन सकेका छैनन् । व्यक्तिगत ढंगले उम्मेदवारी घोषणा भइरहेपनि समूहगत उम्मेदवारी तय हुन सकेको छैन ।

सभापतिमा संस्थापनबाट वर्तमान सभापति एवम् प्रधानमन्त्री शेरबहादुर देउबा लड्ने निश्चित भएपनि संस्थापन इतरबाट भने साझा उम्मेदवार तय हुन सकेको छैन । पूर्व महामन्त्री प्रकाशमान सिंह र केन्द्रिय सदस्य शेखर कोइरालाले अडान नछाडेपछि अब रामचन्द्र पौडेल पनि साझा उम्मेदवार बन्ने सम्भावना टर्दै गएको छ । यद्यपि समय अझै केही बाँकी रहेकाले अन्तिम प्रयासमा जुटेको नेताहरुले बताइरहेका छन् ।

शेखर र प्रकाशमान टसमस नहुँदा अब उनीहरु दुबै जना सभापतिमा लड्ने सम्भावना बढेर गएको छ । यसले संस्थापन इतरबाट दुई जना उम्मेदवार हुने अवस्था देखिएको छ । सभापति नटुंगिदा अन्य पदाधिकारी पनि टुंगिएको छैन । संस्थापन समूहमा नेता कृष्णप्रसाद सिटौलाको इन्ट्री हुने चर्चा चलिरहँदा अब उनी उपसभापति लड्ने सम्भावना पनि बढेर गएको छ । यसो हुँदा उनले अघि सारेका युवा नेता प्रदिप पौडेल सहमहामन्त्रीको उम्मेदवार बन्ने अवस्था देखिँदैछ । तर, सिटौला नलडे पौडेलले महामन्त्री पाउने बताइन्छ । सिटौला देउबा समूहमा आए उपसभापतिका दुई प्रबल दाबेदार अहिलेका उपसभापति विजयकुमार गच्छदार र महामन्त्री पूर्ण बहादुर खड्काको व्यवस्थापन देउवाका लागि पेचिलो बन्नेछ ।

महामन्त्रीमा पनि धेरै आकांक्षी भएकाले समस्या छ । महामन्त्रीमा प्रकाशशरण महत, बालकृष्ण खाँण, विश्वप्रकाश शर्मा, ज्ञानेन्द्र बहादुर कार्की, एनपी साउद र रमेश लेखकको कडा दाबेदारी छ । यी मध्ये महतको सम्भावना बढी देखिएपनि अरुको अब विकसित हुने घटनाक्रममा निर्भर हुने नेताहरु बताउँछन् । संस्थापन इतरमा पनि उपसभापतिका धेरै आकांक्षी छन् । सभापतिमा दुई जना लड्ने अवस्था आएपनि अन्य पदमा भने एउटै प्यानल बनाएर अघि बढ्ने तयारीमा संस्थापन इतर समूह छ ।

अर्जुन नरसिंह केसी, महेश आचार्य, चन्द्र भण्डारीको दाबी उपसभापतिमा छ । महामन्त्रीमा गगन थापा, मिनेन्द्र रिजाल, धनराज गुरुङले दाबी गरेका छन् । संस्थापनबाट विद्रोह गरेका उपसभापति विमलेन्द्र निधिले पनि सभापतिमा उम्मेदवारी दिँदैछन् । युवा नेता कल्याण गुरुङ पनि सभापतिका उम्मेदवार हुन् ।

प्रकाशित मिति: शुक्रबार, मंसिर २४, २०७८ ११:०८

प्रतिक्रिया दिनुहोस्