कांग्रेस सभापतिमा अन्ततः पाँच नेता भिड्ने !

राजनीति

गृहपृष्ठ
राजनीति
कांग्रेस सभापतिमा अन्ततः पाँच नेता भिड्ने !

कांग्रेस सभापतिमा अन्ततः पाँच नेता भिड्ने !

शनिबार, मंसिर २५, २०७८ बागेश्वरी पोस्ट

काठमाण्डौ । अन्ततः कांग्रेस सभापतिमा पाँच जना नेता भिड्ने देखिएको छ । सभापति शेर बहादुर देउबा, उपसभापति विमलेन्द्र निधि, पूर्व महामन्त्री प्रकाशमान सिंह, केन्द्रिय सदस्य डा. शेखर कोइराला र कल्याण कुमार गुरुङ सभापतिमा भिड्ने देखिएको हो ।

रामचन्द्र पौडेल पक्षले साझा उम्मेदवार चयन गर्न नसकेपछि शेखर र प्रकाशमान दुबै सभापतिमा भिड्ने करिब निश्चित भएको छ । पाँच सम्भावित उम्मेदवार मध्ये गुरुङले मात्र अहिलेसम्म उम्मेदवारी दर्ता गराएका छन् । अन्य उम्मेदवारहरु आफ्नो प्यानल बनाउन अन्तिम कसरतमा जुटेका छन् । प्रकाशमानको टिमबाट सुजाता कोइराला उपसभापति लड्ने भएकी छिन् ।

शेखरको टिमबाट गगन थापा महामन्त्री लड्ने निश्चित भएपनि सबै उम्मेदवार अहिले टिमको अन्तिम छिनोफानो गर्न आन्तरिक छलफलमा जुटेका छन् । नेता कृष्ण सिटौलाको समर्थन पाउने भएपछि देउबाको एक जना महामन्त्रीमा प्रदिप पौडेलको उम्मेदवारी करिब निश्चित भएपछि देउबा समूहभित्र पनि असन्तुष्टि बढेको छ । उम्मेदवार छान्न हम्मेहम्मे परेको छ ।

प्रकाशित मिति: शनिबार, मंसिर २५, २०७८ १२:४०

प्रतिक्रिया दिनुहोस्