कसलाई समर्थन गर्ने बारे निधि र सिंहबिच छलफल हुँदै

राजनीति

गृहपृष्ठ
राजनीति
कसलाई समर्थन गर्ने बारे निधि र सिंहबिच छलफल हुँदै

कसलाई समर्थन गर्ने बारे निधि र सिंहबिच छलफल हुँदै

मंगलबार, मंसिर २८, २०७८ बागेश्वरी पोस्ट

काठमाडौं । नेपाली कांग्रेस १४ औं महाधिवेशनको केन्द्रीय सभापति पदका लागि निर्वाचन प्रक्रिया दोस्रो चरणमा पुगेपछि नेताहरु छलफलमा जुटेका छन् ।

आज बिहान सकिएको मतदानमा सभापतिका उम्मेदवार शेरबहादुर देउवाले २२५८ मत पाए भने अर्का सभापतिका उम्मेदवार डा. शेखर कोइरालाले १७२९ मत ल्याएका छन् । देउवा सभापतिमा निर्बाचित हुन ५८ मत पुगेन । अब देउवाले दोस्रो धेरै मत १७२९ ल्याएका शेखर कोइरालासँहग पुनः प्रतिस्पर्धा गर्दैछन् ।

दुबै उम्मेदवारको ध्यान सभापतिको उम्मेदवार रहेका, तर दोस्रो चरणको मतदानबाट बाहिरिएका प्रकाशमान सिंह र विमलेन्द्र निधितिर भएको छ । देउवालाई समर्थन गर्न आग्रह गर्न गृहमन्त्री बालकृष्ण खाँण नेता सिंहको निवासमा पुगेका छन् ।

अर्का उम्मेदवार निधिले पनि आफू छलफलमा रहेको बताए । अर्का नेता प्रकाशमान सिंहसँग सल्लाह गरेर एउटा निर्णयमा पुग्ने उनले बताएका छन् । निधि र सिंहले कोइरालालाई समर्थन गर्ने कांग्रेसका नेताहरु बताउँछन् ।

प्रकाशित मिति: मंगलबार, मंसिर २८, २०७८ ०९:४२

प्रतिक्रिया दिनुहोस्