शेर बहादुर देउवा दोस्रो कार्यकालका लागि कांग्रेस सभापतिमा निर्वाचित

राजनीति

गृहपृष्ठ
राजनीति
शेर बहादुर देउवा दोस्रो कार्यकालका लागि कांग्रेस सभापतिमा निर्वाचित

शेर बहादुर देउवा दोस्रो कार्यकालका लागि कांग्रेस सभापतिमा निर्वाचित

बुधबार, मंसिर २९, २०७८ बागेश्वरी पोस्ट

काठमाण्डौ । नेपाली कांग्रेसको सभापतिमा दोस्रो कार्यकालका लागि पुनः शेरबहादुर देउबा निर्वाचित भएका छन् ।

प्रतिद्वन्दी डा.शेखर कोइरालालाई ८७८ मतान्तरले पराजित गर्दै देउबा दोस्रो कार्यकालका लागि सभापति निर्वाचित भएका हुन् । देउबा यसअघि पनि १३औं महाधिवेशनबाट सभापति चुनिएका थिए । देउबाले २७३३ मत पाउँदा कोइरालाले १८५५ मत पाएका छन् । सोमबार भएको पहिलो चरणको मतदानबाट सभापति चुनिन नसकेपछि आज फेरि दोस्रो चरणको मतदान भएको हो ।

पहिलो चरणमा पाँच जना उम्मेदवार थिए । कसैको पनि ५० प्रतिशत बढी मत नपुगेपछि दोस्रो चरणमा देउबा र कोइराला बीच निर्वाचन भएको थियो । पहिलो चरणमा देउबाले २२५८ मत, कोइरालाले १७०२, प्रकाशमान सिंहले ३७१, विमलेन्द्र निधिले २५० र कल्याण गुरुङले २२ मत पाएका थिए । दोस्रो चरणमा सिंह, निधि र गुरुङले देउवालाई समर्थन गरेका थिए ।

प्रकाशित मिति: बुधबार, मंसिर २९, २०७८ ०४:४४

प्रतिक्रिया दिनुहोस्