कांग्रेस उपसभापतिमा धनराज गुरुङ र पूर्णबहादुर खड्का निर्वाचित

राजनीति

गृहपृष्ठ
राजनीति
कांग्रेस उपसभापतिमा धनराज गुरुङ र पूर्णबहादुर खड्का निर्वाचित

कांग्रेस उपसभापतिमा धनराज गुरुङ र पूर्णबहादुर खड्का निर्वाचित

बिहीबार, पुस १, २०७८ बागेश्वरी पोस्ट

काठमाडौं । नेपाली काँग्रेसको १४औं महाधिवेशनबाट उपसभापति पदमा पूर्णबहादुर खड्का र धनराज गुरुङ विजयी भएका छन् ।

खड्का सभापति शेरबहादुर देउवा र गुरुङ शेखर कोइराला प्यानलबाट चुनावी प्रतिस्पर्धामा उत्रिएका थिए । खड्काले २१२१ मत प्राप्त गरेका छन् भने गुरुङले १९०८ मत प्राप्त गरी उपसभापतिमा विजयी भएका हुन् । देउवा पक्षका विजय गच्छदार भने गुरुङसँग २ मतान्तरले पराजित भएका छन् । उनले १९०६ मत प्राप्त गरेका छन् । त्यस्तै उपसभापतिका अर्का उम्मेदवार चन्द्र भण्डारीले १५८०, सुजाता कोइरालाले ६४४, महेश आचार्यले ५८९ र दिव्यश्वरी शाहले १३२ मत प्राप्त गरेका छन् ।

देउवाको प्यानलबाट खड्कासहित गच्छदार, शेखर कोइराला समूहबाट गुरुङसहित चन्द्र भण्डारी, प्रकाशमान सिंह प्यानलबाट सुजाता कोइराला र विमलेन्द्र निधि प्यानलबाट दिव्यश्वरी शाहले चुनावी प्रतिस्पर्धा गरेका थिए । महेश आचार्य भने स्वतन्त्रतर्फबाट उठेका थिए । बुधबार राती भएको मतगणनामा गुरुङले सुरुदेखि नै अग्रता लिएका थिए भने गच्छदार र गुरुङको कडा टक्कर चलेको थियो ।

प्रकाशित मिति: बिहीबार, पुस १, २०७८ ०६:४०

प्रतिक्रिया दिनुहोस्