कांग्रेस महामन्त्रीको मतगणना शुरु हुँदै

राजनीति

गृहपृष्ठ
राजनीति
कांग्रेस महामन्त्रीको मतगणना शुरु हुँदै

कांग्रेस महामन्त्रीको मतगणना शुरु हुँदै

बिहीबार, पुस १, २०७८ बागेश्वरी पोस्ट

काठमाण्डौ । नेपाली कांग्रेसको महामन्त्री पदका लागि भएको मतदानको मतगणना केहीबेरमा शुरु हुँदैछ । नेपाली कांग्रेसको १४औं महाधिवेशन अन्तर्गत् सोमबार भएको निर्वाचन अन्तर्गत् महामन्त्रीको मतगणना शुरु गर्न लागिएको हो । कांग्रेस केन्द्रीय निर्वाचन समितिले बिहान ८ बजेदेखि मतगणना हुने जनाएको भए पनि अहिलेसम्म शुरु हुन सकेको छैन ।

समितिका सचिव जगन्नाथ श्रेष्ठका अनुसार अहिले उम्मेदवारका प्रतिनिधिहरुसँग छलफल भइरहेको छ । यो छलफल सकिएपछि मतगणनाको थालनी हुनेछ । महामन्त्रीका दुई सिटका लागि डा. प्रकाशशरण महत, प्रदीप पौडेल, गगनकुमार थापा, डा. मीनेन्द्र रिजाल, विश्वप्रकाश शर्मा र डा. राजाराम कार्की उम्मेदवार छन् ।

महत र पौडेल सभापति शेरबहादुर देउवा समूहबाट हुन् भने थापा र रिजाल डा. शेखर कोइराला समूहबाट चुनावी मैदानमा छन् । शर्मा प्रकाशमान सिंह समूहबाट लड्दा कार्की विमलेन्द्र निधि समूहबाट उम्मेदवार छन् । यसअघि सभापतिमा शेरबहादुर देउवा तथा उपसभापतिमा पूर्णबहादुर खड्का र धनराज गुरुङ निर्वाचित भइसकेका छन् ।

प्रकाशित मिति: बिहीबार, पुस १, २०७८ ०८:१०

प्रतिक्रिया दिनुहोस्