आदर्श माविमा कला, हस्तकला तथा विज्ञान प्रदर्शनी (फोटोफिचरसहित)

समाचार

गृहपृष्ठ
समाचार
आदर्श माविमा कला, हस्तकला तथा विज्ञान प्रदर्शनी (फोटोफिचरसहित)

आदर्श माविमा कला, हस्तकला तथा विज्ञान प्रदर्शनी (फोटोफिचरसहित)

शुक्रबार, पुस २, २०७८ बागेश्वरी पोस्ट

नेपालगञ्ज । बाँकेको नेपालगञ्जस्थित आदर्श माविले आयोजना गरेको कला, हस्तकला तथा विज्ञान प्रदर्शनीमा विद्यार्थीहरुले उत्साहजनक सहभागिता जनाएका छन् । शुक्रबार विद्यालय प्रांगणमा गरिएको प्रदर्शनीमा अभिभावकहरुले विद्यार्थीहरुको कला, हस्तकला तथा विज्ञानसंग सम्बन्धित सिर्जनाहरुको अभिरुचीपूर्वक अवलोकन गरेका छन् ।

कला, हस्तकला तथा विज्ञान प्रदर्शनीको अभिभावक सिताराम कुर्मीले रिबन काटेर उद्घाटन गरेका थिए । विद्यालय सञ्चालक समिति अध्यक्ष सञ्जय थापाले विद्यार्थीहरुको अतिरिक्त क्रियाकलापलाई उजागर गर्न विद्यालयले बर्षेनी प्रदर्शनी गर्दै आएको बताए । कोभिडका कारण बीचमा रोकिएपनि यस बर्षदेखि पुनः निरन्तरता दिइएको थापाले बताए । विद्यार्थीहरुको सीपलाई उजागर गरी प्रोत्साहन गर्ने उद्देश्यले प्रदर्शनी गरिएको उनले बताए ।

प्रदर्शनीमा विद्यालयका बोर्ड अफ डाइरेक्टर इश्वर प्रसाद पोखरेल, एकेडेमिक डाइरेक्टर प्रकाश लामिछाने, संस्थापक सञ्चालक डा.राजकुमार सुवेदी, सहप्राचार्य टंकप्रसाद गौतम लगायतले प्रदर्शनीको अवलोकन गर्दै विद्यार्थीहरुको हौसला बढाएका थिए । विद्यार्थीहरुको सिर्जनाको उचित मूल्यांकन गरी पुरस्कृत गर्ने गरी निर्णायकको भूमिकामा धम्बोझी माविका प्रधानाध्यापक बामदेव सुवेदी, सनविम माविका संस्थापक चेतप्रसाद चापागाईं र आदर्शका पूर्व विद्यार्थी लक्ष्मण श्रेष्ठलाई निर्णायकको भूमिका दिइएको छ ।

हेर्नुस् प्रदर्शनीमा देखिएका दृश्य(फोटोफिचर)

No description available.