कांग्रेसको मधेशी तर्फको सहमहामन्त्रीमा महेन्द्र यादव निर्वाचित

राजनीति

गृहपृष्ठ
राजनीति
कांग्रेसको मधेशी तर्फको सहमहामन्त्रीमा महेन्द्र यादव निर्वाचित

कांग्रेसको मधेशी तर्फको सहमहामन्त्रीमा महेन्द्र यादव निर्वाचित

शुक्रबार, पुस २, २०७८ बागेश्वरी पोस्ट

नेपालगञ्ज । नेपाली कांग्रेसको मधेशी तर्फको सहमहामन्त्रीमा महेन्द्र यादव निर्वाचित भएका छन् । सभापति शेरबहादुर देउबा प्यानलका यादवले डा.शेखर कोइराला प्यानलका रामकृष्ण यादवलाई पराजित गरेका हुन् । महेन्द्रले २०२६ मत र रामकृष्णले १८२० मत प्राप्त गरेका छन् । रञ्जित कर्णले भने ४७२ मत पाए ।

नेपाली कांग्रेसको १४औं महाधिवेशन अन्तर्गत् जारी मतगणनमा पदाधिकारी सबैको अन्तिम परिणाम सार्वजनिक भएको छ । सभापति, उपसभापति, महामन्त्री र सहमहामन्त्री महिला, जनजाती, दलित, खसआर्य, मुस्लिम, मधेशी, पिछडिएको क्षेत्र र थारुतर्फको सहमहामन्त्रीको मतपरिणाम सार्वजनिक भइसकेको छ ।

सभापतिमा शेरबहादुर देउबा, उपसभापतिमा पूर्णबहादुर खड्का र धनराज गुरुङ, महामन्त्रीमा गगनकुमार थापा र विश्वप्रकाश शर्मा तथा महिला सहमहामन्त्री डिना उपाध्याय, जनजाती सहमहामन्त्री भीष्मराज आङदम्बे, दलिततर्फको सहमहामन्त्रीमा जीवन परियार, खसआर्यमा किशोरसिंह राठौर, मुस्लिममा फर्मुल्लाह मन्सुर, पिछडिएको क्षेत्रमा बद्री पाण्डे र थारुमा उमाकान्त चौधरी निर्वाचित भइसकेका छन् ।

प्रकाशित मिति: शुक्रबार, पुस २, २०७८ १८:२३

प्रतिक्रिया दिनुहोस्